हिंगोली - राज्यात महायुतीचे घट बसले असले तरी जिल्ह्यातील महायुतीच्या नेत्यांची मने अद्यापही दुभंगलेलीच पाहायला मिळत आहेत. शिवसेनेचे माजी खासदार शिवाजी माने यांनी एक भावनिक पोस्ट करुन शिवसेनेबद्दल नाराजी व्यक्त केली आहे. शिवसेनेच्या पोटात एक ओठात एक आहे. शिवसेनेला झालयं तरी काय? असे मानेंनी आपल्या पोस्टमध्ये म्हटले आहे.
विधानसभा निवडणुकीच्या तोंडावर भाजपमध्ये जोरदार इनकमींग सुरू आहे. तर काँग्रेस आणि राष्ट्रवादीला मोठ्या प्रमाणात गळती लागळ्याचे चित्र आहे. राज्यात शिवसेना भाजपची युती झाली असली तरी हिंगोली जिल्ह्यातील चित्र काहीसं वेगळं असल्याचे दिसत आहे. शिवाजी मानेंनी केलेल्या एका भावनिक पोस्टमुळे हिंगोली जिल्ह्यातील महायुतीच्या नेत्यामंध्ये दुफळी असल्याचे दिसत आहे.
भूमीपुत्राला का संधी नाही
या पोस्टमधून शिवाजी मानेंनी भूमीपुत्राला का संधी नाही, असा सवाल केला आहे. शिवसेना सातत्याने भूमीपुत्राचा कळवळा घेत असल्याचे सांगत आहे. मग आमच्यावर अन्याय का? असा सवालही मानेंनी केला आहे. तसेच शिनसेनेची नेहमी पोठात एक ओठात एक अशी भूमिका राहिली असल्याचे मानेंनी आपल्या पोस्टमध्ये म्हटले आहे.
