धुळे - जिल्ह्यातील शिरपूर शहरात रविवारी सायंकाळी पावसाने हजेरी लावली आहे. पावसामुळे वातावरणात गारवा निर्माण झाला असून नागरिकांना उकाड्यापासून दिलासा मिळाला आहे.
शिरपूर शहरात आज सायंकाळी दमदार पाऊस झाला आहे. पावसाच्या प्रतीक्षेत असलेल्या बळीराजासह बालगोपाल ही आनंदले आहेत.
शिरपूर
प्रचंड उकाड्याने जनता हैराण झाली होती. आजच्या पावसाच्या सरींनी काहीसा दिलासा मिळाला आहे. सर्वसामान्य नागरिकांसह शेतकऱ्यांना आता मान्सूनची प्रतीक्षा लागली आहे.
पावसाने दमदार हजेरी लावावी, अशी प्रार्थना आता वरुणराजाकडे केली जात आहे. दरम्यान आज झालेल्या पावसामुळे वातावरणात बदल झाला असून लवकरच खान्देशात मान्सूनच आगमन होईल, अशी माहिती हवामान खात्याने दिली आहे.
