कन्नड (औरंगाबाद) - तालुक्यातील टापरगावजवळ मालवाहू मोटार व मोटारसायकल यांच्या धडकेत एकाचा मृत्यू झाला असून एक गंभीर जखमी आहे.
औरंगाबाद-धुळे राष्ट्रीय महामार्गवर टापरगाव शिवारात मोटारसायकलीवरुन (क्र. एम एच २० सी ई ७२३७) जगन्नाथ भानुदास थोरात (वय ४८ वर्षे), राजू सुखदेव थोरात (दोघे रा. देभंगाव) हे दोघे देभेगावकडून कन्नडकडे जात होते. त्याचवेळी समोरुन येणारी मालवाहू मोटार (क्र. एम एच २० ई एल ०६१०)ने मोटारसायकलीस धडक दिली. यात मोटारसायकलस्वार जगन्नाथ थोरात यांचा जागीच मृत्यू झाला. राजू थोरात हे गंभीर जखमी झाल्याने त्यांना घाटी रुग्णालयात उपचारासाठी पाठविण्यात आले आहे.
हेही वाचा - आरोग्यमंत्री राजेश टोपेंच्या कार्यक्रमात 'सोशल डिस्टन्सिंग'चा फज्जा
हेही वाचा - औरंगाबादच्या अंजली कोला-पोर्जे ठरल्या मिसेस एशिया युनिव्हर्स २०२१च्या मानकरी
