आंतरराष्ट्रीय योग दिन : खासदार अन् आमदार राणा यांचा कुुटुंबीयांसह योगा

आज जागतिक योग दिवस. यानिमित्त खासदार नवनीत राणा व आमदार रवी राणा यांनी आपल्या कुटुंबीयांसमवेत योगा केला. यावेळी त्यांनी निरोगी राहण्यासाठी योग्य आहारासह शारीरिक व्यायामही गरजेचे असल्याचे सांगितले.

अमरावती -आज जागतिक योगा दिनाच्या पार्श्वभूमीवर अमरावतीच्या खासदार नवनीत राणा व आमदार रवी राणा यांनी आपल्या कुटुंबासह सामाजिक अंतर ठेऊन मोकळ्या मैदानात योगा, प्राणायम केला. स्वतः ला निरोगी ठेवण्यासाठी प्रत्येकाला दरोरोज काही मिनिटे योग, प्राणायाम, व्यायाम करण्याचे आवाहनही त्यांनी नागरिकांना केले आहे.

देशभरात आज जागतिक योगा दिवस मोठ्या उत्साहात साजरा होतो. त्याच पार्श्वभूमीवर अमरावतीच्या खासदार नवनीत राणा व आमदार रवी हे त्यांच्या संपूर्ण कुटुंबासह एका मोकळ्या मैदानात जाऊन त्यांनी जागतिक योग दिवस साजरा केला. यावेळी त्यांनी एक तासापेक्षा जास्त विविध प्रकारचे योग प्राणायम त्यांनी केले. कोरोनाच्या काळात रोग प्रतिकारक शक्ती वाढवण्यासाठी चांगल्या आहाराबरोबरच वृद्धांपासून ते लहानग्यांपर्यंत सगळ्यांनी दररोज किमान 30 मिनिट योगा केला पाहिजे, असे आवाहन यावेळी खासदार नवनीत राणा यांनी केले आहे.

हेही वाचा - अघोरी उपचारांना आळा घालण्यासाठी कठोर कारवाई करा; यशोमती ठाकूर यांचे निर्देश