पेत्रा क्वितोवा, व्हिनस विल्यम्स यांना ऑस्ट्रेलियन ओपनच्या दुसऱ्या फेरीतच बाहेर होण्याची नामुष्की

दोन वेळा ग्रँडस्लॅम जिंकणारी झेक प्रजासत्ताकची पेत्रा क्वितोवा आणि अमेरिकेची अनुभवी खेळाडू व्हीनस विल्यम्स यांना दुसऱ्या फेरीत पराभवाचा धक्का बसला.

मेलबर्न - ऑस्ट्रेलियन ओपन स्पर्धेच्या महिला एकेरी गटात बुधवारी उलटफेर पाहायला मिळाला. दोन वेळा ग्रँडस्लॅम जिंकणारी झेक प्रजासत्ताकची पेत्रा क्वितोवा आणि अमेरिकेची अनुभवी खेळाडू व्हिनस विल्यम्स यांना दुसऱ्या फेरीत पराभवाचा धक्का बसला.

जागतिक क्रमवारीत नवव्या क्रमांकावर असलेल्या क्वितोवा हिला रोमानियाच्या सोराना क्रिस्टिया हिने पराभूत केले. दुसऱ्या फेरीतील सामन्यात क्रिस्टिया हिने क्वितोवाचा ६-४, १-६, ६-१ ने पराभव केला.

दुसरीकडे इटलीची सारा एरिना हिने व्हिनस विल्यम्सचा ६-१, ६-० ने धुव्वा उडवला. या सामन्यात व्हिनसला दुखापत झाली.

स्पेनची गरबाइन मुगुरुजा हिने आपली घौडदौड कायम राखली आहे. तिने दुसऱ्या फेरीत रुसच्या लियुडमिला सेम्सोनोवा हिचा ६-३, ६-१ ने पराभव केला.

सातव्या मानांकित बेलारूसची आर्यन सबालेंका हिने रुसच्या डारिया कसात्किना हिचा ७-६, ६-३ ने पराभव करत तिसरी फेरी गाठली.

हेही वाचा - Australian Open : नोवाक जोकोव्हिच तिसऱ्या फेरीत दाखल

हेही वाचा - Australian Open : उलटफेर... बियांका ऑस्ट्रेलियन ओपन स्पर्धेतून बाहेर, सू-वेईने दिला धक्का