नवी दिल्ली : पीएसजीने माँटपेलियरविरुद्ध दणदणीत विजय मिळवला. या विजयात मेस्सीने एका गोलचे योगदान दिले. या गोलसह त्याने क्रिस्टियानो रोनाल्डोचा विक्रम मोडला. मेस्सीने एक गोल करताच 697 गोल करत रोनाल्डोच्या पुढे गेला. त्याने 833 सामन्यांमध्ये हे गोल केले आहेत. त्याचवेळी क्रिस्टियानो रोनाल्डोने 919 सामन्यांमध्ये 696 गोल केले आहेत. मेस्सीने हे गोल पोर्तुगाल स्टारपेक्षा 84 कमी खेळांमध्ये केले.
७२व्या मिनिटाला दुसरा गोल : किलियन एमबाप्पे दुखापतग्रस्त होण्यापूर्वी दोनदा पेनल्टी चुकला. अर्जेंटिनाचा स्टार खेळाडू लिओनेल मेस्सीने ७२व्या मिनिटाला पीएसजीसाठी दुसरा गोल केला. त्याच्याआधी फॅबियन रुईझने 55 व्या मिनिटाला संघाचे खाते उघडले, तर वॉरेन झारे एमरीने शेवटच्या क्षणी गोल करून संघाचा विजय निश्चित केला. 89व्या मिनिटाला अरनॉड नॉर्डिनने माँटपेलियरसाठी गोल करून पराभवाचे अंतर कमी केले.
मेस्सीकडून मोठ्या आशा : क्रिस्टियानो रोनाल्डोच्या विक्रमाला मागे टाकत टॉप 5 युरोपियन लीगमधील मेस्सीचा हा 697 वा गोल होता. 16 वर्षीय जैर एमरीने पीएसजीसाठी पहिला गोल केला. पीएसजीचा सर्वात तरुण स्कोअरर बनल्यानंतर जैर एमरी म्हणाला, 'पहिल्या विभागातील हा माझा पहिला गोल आहे. त्यामुळे मी खूप आनंदी आहे. गतविजेता पीएसजी मार्सेलपेक्षा पाच गुणांनी पुढे आहे. ज्याने नॅन्टेसवर 2-0 असा विजय मिळवला. पीएसजीया महिन्यात 14 फेब्रुवारी रोजी चॅम्पियन्स लीगमधील त्यांच्या फेरीच्या 16 च्या पहिल्या टप्प्यात बायर्न म्युनिकशी भिडणार आहे. या सामन्यात पीएसजीला मेस्सीकडून मोठ्या आशा असतील.
रोनाल्डोचा आलिशान हॉटेलमध्ये मुक्काम : फुटबॉल जगतातील सर्वात मोठ्या खेळाडूंपैकी एक असलेला क्रिस्टियानो रोनाल्डो सोशल मीडियावर खूप चर्चेत असतो. त्याच्या शाही शैलीबद्दल जाणून तुम्हाला आश्चर्य वाटेल. स्टार फुटबॉलर रोनाल्डो सध्या आपल्या कुटुंबासह सौदी अरेबियामध्ये आहे. 36 वर्षीय रोनाल्डोने अलीकडेच सौदी अरेबियाच्या अल-नासिर या क्लबसोबत करार केला आहे. या कराराद्वारे, रोनाल्डो दरवर्षी सुमारे $200 दशलक्ष कमवत आहे. सध्या रोनाल्डो रियाधमधील फाइव्ह स्टार फोर सीझन हॉटेलमध्ये कुटुंबासोबत राहत आहे. पण तुम्हाला माहीत आहे का की, रोनाल्डो या हॉटेलचे महिन्याचे भाडे किती भरतो.
मेस्सीचा फोटो चलनावर छापण्याची केली होती मागणी : विश्वचषक जिंकल्यानंतर अर्जेंटिनामध्ये नोटेवर लिओनेल मेस्सीचे चित्र छापण्याची मागणी केली होती. मेस्सी आपल्या देशाच्या चलनात दिसणारा पहिला खेळाडू आहे. अर्जेंटिना सरकारमधील आर्थिकबाबी पाहणारे मंत्रालय विश्वचषकात मिळालेले यश पाहता यावर विचार केला गेला.
हेही वाचा : Parimal Dey Passes Away : कोलकाताचे माजी फुटबॉलपटू 'परिमल डे' यांचे निधन; फुटबाॅल क्षेत्रात हळहळ
