टोरून : भगवान देवी डागर या लोकांसाठी एक उत्तम उदाहरण आहे. त्यांनी आतापर्यंत राष्ट्रीय आणि आंतरराष्ट्रीय स्पर्धांमध्ये अनेक पदके जिंकली आहेत. भगवानी शताब्दी पूर्ण करणार आहेत. पण तरीही त्यांचा खेळाबद्दलचा उत्साह कमी झालेला नाही. वर्ल्ड मास्टर्स अ‍ॅथलेटिक्स इनडोअर चॅम्पियनशिपमध्ये सुवर्णपदक जिंकल्यानंतर भगवान दादी पुन्हा चर्चेत आहेत. फिनलंडमध्ये झालेल्या वर्ल्ड मास्टर्स अ‍ॅथलेटिक्स चॅम्पियनशिप 2022 मध्ये भगवानी यांनी 100 मीटर शर्यतीत सुवर्णपदक जिंकले.
विश्वविक्रम एका सेकंदाने हुकला : त्यांनी 100 मीटरची शर्यत 24.74 सेकंदात पूर्ण करून आपली चुणूक दाखवली. त्यांचा विश्वविक्रम एका सेकंदाने हुकला होता. भगवान देवी यांचा विवाह वयाच्या 12 व्या वर्षी झाला होता. पण वयाच्या 30 व्या वर्षी त्यांच्या पतीचे निधन झाले. त्यानंतर भगवानी गरोदर राहिली आणि त्यांना एक मुलगी झाली. पण चार वर्षांनी नवऱ्याच्या आठ वर्षांच्या मुलीचा मृत्यू झाला. पती गेल्यानंतर त्यांनी दुसरे लग्न केले नाही. त्यांनी आपला मुलगा हवासिंग डागर, जो पॅरा-अ‍ॅथलीट आहे. त्याच्यावर पूर्ण लक्ष दिले. आज त्या नातवंडांसोबत आहेत.
विकासला खेलरत्न पुरस्कार मिळाला : त्यांचा नातू विकास डागर हा दिल्ली महापालिकेत लिपिक म्हणून काम करतो. विकासने आशियाई खेळांसह अनेक आंतरराष्ट्रीय स्पर्धांमध्ये देशाचे प्रतिनिधित्व केले आहे. त्यांनी देशासाठी अनेक पदके जिंकली आहेत. विकासला खेलरत्न पुरस्कार मिळाला आहे. धावण्याबरोबरच भागवानी शॉटपुटही उत्तम खेळतात. त्यांनी शॉटपुटमध्येही कांस्यपदक पटकावले आहे.
जागतिक विजेतेपदाच्या विक्रमांसह सुवर्ण पदक : विकासनेच आजीला प्रशिक्षण दिले आणि त्यांना खेळण्यासाठी प्रेरित केले. विकास डागर म्हणाला की, भगवानी देवी यांनी आतापर्यंत राष्ट्रीय स्तरावर सहा सुवर्ण आणि सहा रौप्य पदके जिंकली आहेत. भगवानीने जागतिक स्पर्धेत राष्ट्रीय विक्रम आणि जागतिक विजेतेपदाच्या विक्रमांसह सुवर्ण पदक आणि 2 कांस्य पदकांसह एकूण तीन पदके जिंकली आहेत. आगामी स्पर्धांमध्येही त्या देशासाठी खेळून पदकांची कमाई करत राहणार आहे.
हेही वाचा : ISSF World Cup : सिफ्त कौरने आयएसएसएफ विश्वचषक स्पर्धेत जिंकले कांस्यपदक
