म्यूनिख - यूरो कप २०२० स्पर्धेच्या विजेतेपदाचा प्रमुख दावेदार इटली संघाची विजयी घौडदौड सुरूच आहे. इटलीने उपांत्यपूर्व फेरीत बेल्जियमचा २-१ ने पराभव करत उपांत्य फेरीत धडक मारली. इटलीसाठी निकोलो बारेला आणि लोरेंजो इंसिने याने गोल केले. तर लियोनार्डो स्पिनाजोला याने दुसऱ्या हाफमध्ये बेल्जियमसाठी एक गोल वाचवला. इटलीने सलग ३२ सामन्यात विजय मिळवला आहे.
बेल्जियमकडून एकमात्र गोल पहिल्या हाफच्या अखेरीस रोमेलू लुकाकू याने केला. दुसऱ्या हाफमध्ये बेल्जियमला गोल करण्याच्या अनेक संधी मिळाल्या परंतु, इटलीच्या डिफेंडर यांनी त्यांना गोल करू दिला नाही. उपांत्य फेरीत इटलीची गाठ स्पेनशी होणार आहे. हा सामना उद्या मंगळवारी (४ जूलै) वेम्बले स्टेडियमध्ये रंगणार आहे. दरम्यान, स्पेनने स्वित्झर्लंडचा पेनाल्टी शूटआउटमध्ये पराभव करत उपांत्य फेरी गाठली आहे.
स्पेन विरुद्ध स्वित्झर्लंड पेनाल्टी शूटआउटचा थरार...
स्पेन आणि स्वित्झर्लंडचा सामना फुल टाईम त्यानंतर एक्ट्रा टाईममध्ये देखील १-१ अशा बरोबरीत राहिला. यानंतर पेनाल्टी शूटआउटच्या थराराला सुरूवात झाली. पेनाल्टी किकची पहिली संधी स्वित्झर्लंडला मिळाली. पण स्पेनचा गोलकिपर सिमोन याने शानदार बचाव केला. दुसऱ्या संधीवर स्पेनच्या मारियोने गोल करत संघाला १-० ने आघाडी मिळवून दिली. तिसऱ्या शॉट डॅनी अल्मोने मारला. यावर त्याने स्पेनसाठी आणखी एका गोलची भर घातली. दुसरीकडे स्पेनचा गोलकिपर सिमोन हा स्वित्झर्लंडच्या संधीवर बचाव करत होता. सिमोनने स्वित्झर्लंडचे ३ गोल रोखत आपल्या संघाला ३-१ ने विजय मिळवून देत उपांत्य फेरीत पोहोचवले.
हेही वाचा - Euro Cup २०२० : पेनाल्टी शूटआउटमध्ये स्वित्झर्लंडला नमवून स्पेन उपांत्य फेरीत
हेही वाचा - माना पटेलने रचला इतिहास, टोकियो ऑलिम्पिकसाठी पात्र ठरणारी पहिली भारतीय महिला जलतरणपटू
