नवी दिल्ली : भारतात क्रिकेट आणि त्यांच्या खेळाडूंबद्दलची लोकांची क्रेझ मोठ्या प्रमाणावर आहे. त्यामुळे अनेक खेळाडूंचे सोशल मीडियावर चाहते आणि फॉलोअर्सची संख्या करोडोंच्या घरात आहे. भारतात आत्तापर्यंत अनेक प्रसिद्ध क्रिकेटपटू झाले असले तरी भारतीय संघाचा माजी कर्णधार विराट कोहली सोशल मीडियावर चांगलाच धुमाकूळ घालतो. सोशल मीडियावरून कमाई आणि अनेक दिग्गजांशी स्पर्धा करण्यासाठी तो केवळ भारतातच नव्हे तर जगभरात प्रसिद्ध असल्याचे म्हटले जाते. यामुळेच कोहलीची गणना जगातील सर्वात श्रीमंत क्रिकेटपटूंमध्ये केली जाते.
- एका इंस्टाग्राम पोस्टसाठी सुमारे 5 कोटी रुपये : 'हॉपर इंस्टाग्राम' रिच लिस्ट जारी करून, पोस्टद्वारे कमाई करणाऱ्या लोकांची माहिती देत राहते. 2021 च्या 'हॉपर इंस्टाग्राम' रिच लिस्टच्या डेटाचा विचार केल्यास, त्यावेळी विराट कोहली सर्वाधिक शुल्क आकारण्यात जगात 19 व्या स्थानावर होता. विराट कोहली एका इंस्टाग्राम पोस्टसाठी $ 680,000 (सुमारे 5 कोटी रुपये) घेत असे. मात्र आता हे प्रमाण आणखी वाढले आहे.
- इंस्टाग्राम पोस्टमधून कोट्यवधी रुपये : हॉपर इंस्टाग्राम रिच लिस्टच्या 2023 च्या अहवालानुसार ही रक्कम 11.45 कोटी झाली आहे. 2021 मधल्या त्याच्या उत्पन्नाशी तुलना केल्यास ती दुप्पट झाली आहे. कोहली केवळ त्याच्या फोटोंमुळेच लोकप्रिय होत नाही, तर त्याच्या प्रत्येक इंस्टाग्राम पोस्टमधून कोट्यवधी रुपये कमावत असल्याची चर्चा पुन्हा सुरू झाली आहे.
- जितके जास्त 'फॉलोअर्स' तितकी जास्त कमाई : 'इन्स्टाग्राम'वरील फॉलोअर्सनुसार तुम्हाला रक्कम मिळते. तुमच्या 'इन्स्टाग्राम' अकाउंटमध्ये तुमचे फॉलोअर्स जितके जास्त असतील, तितकी तुमची कमाई होऊ शकते. सर्वसाधारणपणे जर तुमचे 1 दशलक्ष फॉलोअर्स असतील तर तुम्ही 2 ते 3 लाख कमवू शकता, परंतु जर तुमचे 10 दशलक्ष फॉलोअर्स असतील तर तुम्ही 15 ते 20 लाख रुपये सहज कमवू शकता.
हेही वाचा :
- Asian Champions Trophy: भारतीय हॉकी संघाने पाकिस्तानला चारली पराभवाची धूळ, जय शाह यांनी केले अभिनंद
- World Archery Championships : शाळा-कॉलेजच्या वयात सातारची आदिती स्वामी तिरंदाजीत बनली वर्ल्ड चॅम्पियन, जाणून घ्या तिचा सुवर्णमय प्रवास...
- India Vs Pakistan : मोठी बातमी! विश्वचषकात रंगणार भारत-पाकिस्तान सामन्याचा थरार, सरकारकडून ग्रीन सिग्नल
