मुंबई - सलमान खानचा पाच वर्षापूर्वी ईदला प्रदर्शित झालेला किक चित्रपट ब्लॉकबस्टर ठरला होता. साजिद नाडियादवाला यांचा हा दिग्दर्शकीय पदार्पणाचा चित्रपट होता. आता या चित्रपटाचा सीक्वेल येणार आहे. ट्रेड अॅनालिस्ट तरण आदर्श यांनी ट्विटरवर याचा व्हिडिओ शेअर करीत या बातमीला दुजोरा दिलाय.
किक चित्रपटात सलमान खानने साकारलेल्या अदभूत आणि थक्क करणाऱ्या स्टंटची झलक पाहायला मिळाली होती. सुपरहिरोप्रमाणे चेहऱ्यावर मास्क धारण करून खलनायकांशी दोन हात करत त्यांना चकवा देणारा सलमान खान प्रेक्षकांना भावला होता. जॅकलिन फर्नांडिसची, इथे जॅकलिन आणि सलमानच्या रोमान्सबरोबर नृत्य, हाणामारीची दृष्ये, विनोदी आणि खुसखुशीत संवादांची अनुभूती किकने दिली होती.
आता किकच्या सीक्वलमध्ये पुन्हा एकदा गाड्यांचा पाठलाग, भरधाव वेगाने मोटरसायकल चालवणे आणि उंच इमारतीवरून उडी मारण्यासारखी अंगावर रोमांच आणणारी थरारक दृष्ये पाहायला मिळतील. सलमान खानचा चित्रपट म्हटलं की त्यात हाणामारी, रोमान्स, गाणी आणि विनोद असा आवश्यक फिल्मी मसाला आलाच. सपुरहिरोच्या मास्कद्वारे चाहत्यांच्या मनात चित्रपटाविषयी उत्कंठा वाढविण्यात सलमान खानला नक्कीच यश आल्याचे जाणवते.
सलमानचे चाहते या सीक्वेलची प्रतीक्षा करीत आहेत. २०२० मध्ये याचे शूटींग सुरू करण्याचा निर्णय झाला आहे.
