मुंबई - बॉलिवूडचा 'दबंग' सलमान खान कधी काय करेल याचा काहीही नेम नाही. सध्या तो त्याच्या आगामी 'दबंग ३' चित्रपटाच्या शूटिंगमध्ये व्यग्र आहे. या सेटवरुन तो नेहमी नवनविण व्हिडिओ आणि फोटो सोशल मीडियावर शेअर करत असतो. आताही त्याने एक व्हिडिओ शेअर केला आहे. या व्हिडिओत तो स्वत:लाच पोतराजच्या चाबकाने फटके मारताना दिसतो.
सलमान खान इतरांप्रती खूपच हळवा असल्याचे पाहायला मिळते. त्याच्या 'दबंग ३'च्या सेटवर अलिकडेच काही पोतराजांनी हजेरी लावली होती. त्यांनी सलमानसोबत गप्पा देखील मारल्या.
- " class="align-text-top noRightClick twitterSection" data="
">
पोतराज त्यांच्या अंगावर नेहमी चाबकाने फटके मारताना दिसतात. यावेळी सलमाननेही हा प्रकार स्वत:वर अनुभवला. 'त्यांचा त्रास वाटुन घेण्यातही एक वेगळाच आनंद आहे', असे सलमानने या व्हिडिओवर कॅप्शन दिले आहे. तसेच लहान मुलांनी असं करून पाहू नये, असंही म्हटलं आहे.
हेही वाचा-'या' चित्रपटातील भूमिकेसाठी राजकुमार रावने २० दिवस खाल्ले होते फक्त गाजर
'दबंग ३'मध्ये सलमान सोबत सोनाक्षी सिन्हा महेश मांजरेकरांची मुलगी सई आणि अरबाज खान हे देखील भूमिका साकारताना दिसणार आहेत. प्रभू देवा या चित्रपटाचे दिग्दर्शन करत आहे. तर, अरबाज खान या चित्रपटाची निर्मिती करत आहे. डिसेंबर महिन्यात हा चित्रपट प्रदर्शित होणार आहे.
हेही वाचा -प्रभासच्या साहोनं पहिल्या दिवशी जमवला इतक्या कोटींचा गल्ला
