मुंबई - अभिनेता अपारशक्ती खुराना आत्तापर्यंत बऱ्याच चित्रपटांमध्ये सहाय्यक कलाकाराच्या भूमिकेत दिसला आहे. सहाय्यक अभिनेता म्हणून त्याची बरीच लोकप्रियता आहे. आता आगामी 'हेलमेट' या चित्रपटातून तो पहिल्यांदा मुख्य भूमिकेत दिसणार आहे. या चित्रपटात त्याच्यासोबत अभिनेत्री प्रनुतन बेहलचीही भूमिका पाहायला मिळणार आहे.
प्रनुतन बेहलने 'नोटबुक' चित्रपटातून बॉलिवूडमध्ये पदार्पण केले होते. या चित्रपटातील तिच्या भूमिकेचं कौतुकही करण्यात आलं होतं. आता अपारशक्तीसोबत ती 'हेलमेट' चित्रपटातून प्रेक्षकांच्या भेटीला येणार आहे.
- " class="align-text-top noRightClick twitterSection" data="
">
हेही वाचा -लायन्स गोल्ड अवार्ड्स २०२० : पाहा बॉलिवूड कलाकारांचा स्टायलिश अंदाज
अलिकडेच 'हेलमेट' चित्रपटाचे शूटिंग पूर्ण झाले आहे. डीनो मोरिया प्रोडक्शन हाऊसमध्ये या चित्रपटाची निर्मिती करण्यात आली आहे. या चित्रपटाचे शूटिंग पूर्ण झाल्यानंतर रॅप अप पार्टीचे आयोजन करण्यात आले होते. या पार्टीत बॉलिवूडच्या बऱ्याच कलाकारांनी हजेरी लावली होती.
प्रनुतनने आपल्या इन्स्टाग्राम अकाऊंट स्टोरीमध्येही एक फोटो शेअर करुन शूटिंग पूर्ण झाल्याची माहिती दिली आहे.
हेही वाचा -'पद्मश्री' जाहीर झाल्यानंतर करण जोहर भावूक, वडिलांसाठी लिहिली भावनिक पोस्ट
'हेलमेट' या चित्रपटाची कथा रोहन शंकर यांनी लिहिली आहे, तर सतराम रमानी यांनी या चित्रपटाचे दिग्दर्शन केले आहे. वाराणसी येथे या चित्रपटाचे शूटिंग पूर्ण झाले आहे. अपारशक्तीनेही काही फोटो सोशल मीडियावर शेअर केले आहेत.
- " class="align-text-top noRightClick twitterSection" data="
">
काही दिवसांपूर्वीच या चित्रपटाचा टीझरही प्रदर्शित झाला होता. हा चित्रपट अडल्ट कॉमेडी असल्याचा अंदाज या टीझरवरून येतो.
हेही वाचा -'स्ट्रीट डान्सर'चं वाघा बॉर्डरवर शूट झालेलं नवं गाणं प्रदर्शित
