Katrina Kaif's Mehndi Price : कॅटरिना आणि विकी करणार 'येथे' शाही विवाह; कॅटरिना कैफच्या मेहंदीची किंमत ऐकून तुम्हालाही बसेल धक्का!

लग्नाच्या वेळी कॅटरिना कैफच्या हातावर लागणारी मेहंदी खूप खास असेल. ही मेहंदी कॅटरिना कैफने पाली (राजस्थान) येथून मागवली आहे. राजस्थानच्या सोजत जिल्ह्यातील मेहंदीला हेना मेहंदी म्हणून ओळखले जाते आणि त्याची चमक खूप खास आहे. ही मेहंदी तिच्या खास वैशिष्ट्यासाठी जगभर प्रसिद्ध आहे. कॅटरिना कैफसाठी सोजतचे कारागीर स्वतःच्या हातांनी मेहंदी तयार करत आहेत.

हैदराबाद - गेल्या काही दिवसांपासून बॉलिवूड अभिनेत्री कॅटरिना कैफ आणि विकी कौशल यांच्या लग्नाची जोरदार चर्चा आहे. या जोडप्याच्या लग्नाबाबत जवळपास सर्वच प्रकारची माहिती समोर आली होती, मात्र आता समोर आलेले अपडेट जाणून सर्वानाच धक्का बसेल. कॅटरिना कैफने लग्नासाठी राजस्थानची प्रसिद्ध मेहंदी ऑर्डर ( Famous Sojat Ki Mehndi ) केली आहे, ज्याची किंमत लाखोंमध्ये सांगितली जात आहे.

मेहंदी तिच्या खास वैशिष्ट्यासाठी जगभर प्रसिद्ध -

मिळालेल्या माहितीनुसार, लग्नाच्या वेळी कॅटरिना कैफच्या हातावर लागणारी मेहंदी खूप खास असेल. ही मेहंदी कॅटरिना कैफने पाली (राजस्थान) येथून मागवली आहे. राजस्थानच्या सोजत जिल्ह्यातील मेहंदीला हेना म्हणून ओळखले जाते आणि त्याची चमक खूप खास आहे. ही मेहंदी तिच्या खास वैशिष्ट्यासाठी जगभर प्रसिद्ध आहे. कॅटरिना कैफसाठी सोजतचे कारागीर स्वतःच्या हातांनी मेहंदी तयार करत आहेत. त्यात कोणतेही रसायन असणार नाही. कॅटरिनाला मेहंदीचा नमुना पाठवण्यात आला होता, जो तिने पास केला आहे. या मेहंदीची किंमत 50 हजार ते 1 लाख रुपये इतकी आहे. मात्र, या बातमीबाबत विकी आणि कॅटरिनाकडून कोणतेही वक्तव्य आलेले नाही.

विकी आणि कॅटरिना करणार कोर्ट मॅरेज -

मीडिया रिपोर्ट्सनुसार, विकी आणि कॅटरिना पुढील आठवड्यात मुंबईत कोर्ट मॅरेज करणार आहेत. यानंतर हे जोडपे राजस्थानमध्ये त्यांच्या रॉयल वेडिंगसाठी रवाना होतील. विकी आणि कॅटरिनाची टीम आधीच घटनास्थळी पोहोचली असून सर्व तयारी पाहत आहे. टीमने लग्नाची सर्व व्यवस्था पाहिली आहे. याशिवाय या ठिकाणाची रेकीही करण्यात आली आहे.

कॅटरिना आणि विकी राजस्थानमधील सिक्स सेन्स फोर्टमध्ये लग्न करणार

कॅटरिना कैफ आणि विकी कौशल राजस्थानच्या सवाई माधोपूर जिल्ह्यातील सिक्स सेन्स फोर्ट हॉटेलमध्ये लग्नाच्या बेडीत अडकणार आहेत. 7 ते 12 डिसेंबर दरम्यान लग्नसोहळा चालणार असून लग्नासाठी हॉटेल बुकिंग आधीच झाले आहे. मात्र, त्याची औपचारिक घोषणा होणे बाकी आहे. व्हीआयपी लग्नाचे आयोजन करण्यासाठी अनेक इव्हेंट कंपन्या एकत्र काम करतील. अधिकाऱ्यांनी पुष्टी केली की वेगवेगळ्या कंपन्यांना वेगवेगळ्या कार्यक्रमांसाठी नियुक्त केले जात आहे. या इव्हेंट कंपन्यांनीही आपले काम जोरात सुरू केले आहे.

त्याचबरोबर कॅटरिना आणि विकी कौशलच्या टीमनेही लग्नाची तयारी सुरू केली आहे. परिस्थितीचा आढावा घेण्यासाठी 10 सदस्यांची टीम आदल्या दिवशी सिक्स सेन्स बर्वरा किल्ल्यावर पोहोचली होती. हॉटेल व्यवस्थापनाकडून मिळालेल्या माहितीनुसार, टीमने लग्नाशी संबंधित सर्व व्यवस्थेवर लक्ष ठेवले आहे. मिरवणुकीच्या आगमनापासून मेहंदी, हळदीकुंकूपर्यंतच्या सजावटीची व्यवस्था या पथकाने पाहिली. मात्र, लग्नाचे कार्यक्रम अद्याप जाहीर झालेले नाहीत.

हेही वाचा - शाही विवाह करण्यापूर्वी कोर्ट मॅरेज करणार विकी कौशल आणि कॅटरिना कैफ