मुंबई - बॉलिवूड निर्माता करण जोहरने अभिनेता कार्तिक आर्यनला आईस्क्रिमचा बॉक्स पाठवला. हे त्याच्यासाठी सरप्राईज होते. कार्तिकने हे आईस्क्रिम २ लाख रुपये प्रति स्कूप विकणार असल्याचे मस्करीत म्हटले आहे.
कार्तिकने रविवारी रात्री इन्स्टाग्रामवर एक व्हिडिओ शेअर करीत आईस्क्रिमचे बॉक्स चाहत्यांना दाखवले होते.
- " class="align-text-top noRightClick twitterSection" data="
">
व्हिडिओच्या कॅप्शनमध्ये कार्तिकने लिहिले आहे, ''मला कारण जोहरकडे एक आईस्क्रिम आवडले होते. त्याने प्रेमाने मला काही आईस्क्रिम पाठवले आहे. मी आता हे आईस्क्रिम २ लाख रुपये प्रति स्कूप जीएसटीसह विकत आहे.''
कार्तिक आर्यन अलिकडेच 'लव्ह आज कल 'या चित्रपटत सारा अली खान सोबत झळकला होता. तो सध्या अक्षय कुमारसोबत आगामी 'भुल भुलैया २' मध्ये काम करीत आहे. त्याच बरोबर तो दोस्तानच्या सीक्वलमध्ये जॉन अब्राहमसोबत झळकणार आहे.
