नवी दिल्ली Google शोध परिणामांमधील कमी गुणवत्तेचा आणि अनौपचारिक सामग्री कमी करण्यासाठी नवीन टूल्स आणत आहे. ज्यामुळे लोकांना उपयुक्त सामग्री शोधणे सोपे होईल. हेल्पफुल कंटेंट अपडेट नावाचे सर्च रँकिंग अपडेट 22 ऑगस्ट रोजी जागतिक स्तरावर इंग्रजी भाषेतील वापरकर्त्यांसाठी सुरू होईल. अनेकदा वाचकांना माहिती देण्याऐवजी क्लिक करुन आकर्षित करण्यासाठी कंटेंट तयार केला जातो. लोकांना ते उपयुक्त वाटत नाही. जागतिक स्तरावर इंग्रजी वापरकर्त्यांसाठी पुढील आठवड्यापासून यामुळे सर्चमध्ये सुधारणा करण्यात येणार आहेत. गुगल अशी सुधारणांची मालिका आणत आहे. जेणेकरुन लोकांसाठी उपयुक्त सामग्री शोधणे सोपे व्हावे असे गुगलचे संपर्क अधिकारी डॅनी सुलिव्हन यांनी स्पष्ट केले.
अनौपचारिक कमी गुणवत्तेचा मजकूर शोध मध्ये उच्च दर्जाचा नाही याची माहिती गुगल घेईल. प्रामुख्याने ऑनलाइन शैक्षणिक साहित्य मनोरंजन खरेदी आणि तंत्रज्ञानाशी संबंधित सामग्रीसाठी हे लागू करण्यात येईल असे गुगलने गुरुवारी उशिरा ब्लॉग पोस्टमध्ये स्पष्ट केले. नवीन रँकिंग अपडेट गेल्या वर्षभरातील चांगल्या दर्जाच्या उत्पादन पुनरावलोकन सामग्रीच्या रँकिंगशी संबंधित अशाच प्रयत्नात सामील होते. याचा व्यापक उपयोग होईल असे गुगलला वाटते. सर्चमध्ये अस्सल आणि उपयुक्त वाटणारी सामग्री शोधा घेता येईल असे Google ने स्पष्ट केले.
उदाहरणार्थ तुम्ही नवीन चित्रपटाबद्दल माहिती शोधल्यास तुम्हाला अनन्य अस्सल माहितीसह अधिक परिणाम दिसतील त्यामुळे तुम्ही आधी न पाहिलेले काहीतरी वाचण्याची शक्यता जास्त आहे. गेल्या वर्षी Google ने शोध परिणामांमध्ये प्रथम हस्त कौशल्यावर आधारित अधिक उपयुक्त सखोल पुनरावलोकने दर्शविण्यासाठी टुल्सची मालिका सुरू केली. आम्ही या प्रणालींचे अवलोकन करणे सुरू ठेवले आहे. येत्या आठवड्यात आम्ही त्या नियमित सुरू करू. उच्च गुणवत्तेची मूळ पुनरावलोकने शोधणे आणखी सोपे करण्यासाठी आणखी एक टुल असेल.
एकूणच गुगलने आता वपरकर्त्यांना अनावष्यक कंटेंटपासून सुटका देण्याचा निर्णय घेतल्याचे दिसते. याचे वापरकर्ते स्वागतच करतील अशी अपेक्षा आहे.
हेही वाचा असामात मॉब लिंचिंग फरार बलात्कारी आरोपीला लोकांनी चोप देऊन ठार मारले
