Rocky aur rani kii prem kahaani : धर्मेंद्रसोबतच्या लिपलॉक सीनवर शबाना आझमीने केला खुलासा...

करण जोहर दिग्दर्शित 'रॉकी और रानी की प्रेम कहानी' या चित्रपटाबद्दल चांगलीच जोरदार चर्चा होत आहे. प्रेक्षकांना चित्रपटाची कहाणी खूप आवडली आहे, त्यामुळे हा चित्रपट बघण्यासाठी खूप प्रेक्षक चित्रपटगृहांमध्ये गर्दी करत आहे. दरम्यान आता या चित्रपटामधील धर्मेंद्र आणि शबाना आझमी यांच्या लिपलॉक सीनवर खूप चर्चा होत आहे.

मुंबई : करण जोहर दिग्दर्शित 'रॉकी और रानी की प्रेम कहानी' चित्रपट बॉक्स ऑफिसवर चांगली कमाई करत आहे. प्रेक्षकांना चित्रपटाची कहाणी खूप आवडली आहे, मात्र सध्या धर्मेंद्र आणि शबाना आझमी यांच्यामधील लिपलॉक सीनची सर्वाधिक चर्चा होत आहे. आता शबाना आझमी यांनी चित्रपटाच्या या दृश्यावर पती जावेद अख्तर यांची प्रतिक्रिया दिली आहे. नुकत्यांच दिलेल्या एक मुलाखत शबाना यांनी लिपलॉक सीनबद्दल बोलताना सांगितले की, जावेद अख्तर यांना त्याच्या किसिंग सीनमुळे कोणतीही अडचण आली नाही.

लिपलॉक सीनवर शबाना आझमी यांचे मत : शबाना आझमी या हिंदी चित्रपटसृष्टीतील सुंदर अभिनेत्रींपैकी एक आहे. त्यांना धर्मेंद्रसोबत चुंबन दृश्यावर एक अद्भुत प्रतिक्रिया मिळाली आहे. शबाना सांगितले, जेव्हा आम्ही चुंबन घेतो तेव्हा लोक हसतात आणि आनंदी होतात, पण शूटिंगदरम्यान मला कोणतीही अडचण आली नाही, सर्वांना माहित आहे की मी चित्रपटांमध्ये जास्त चुंबन घेतलेले नाही, परंतु धर्मेंद्र सारख्या अभिनेत्याला किस करणे कोणाला नाही आवडणार हे त्यांनी मुलाखती दरम्यान सांगितले.

किसवर शबानाचे पती जावेद अख्तर यांची प्रतिक्रिया : दुसरीकडे, शबाना आझमी यांना पती जावेद अख्तर त्यांच्या किसिंग सीनबद्दल काय विचार करतात हे विचारले असता त्यांनी सांगितले, त्यांची काही हरकत नव्हती, उलट मी त्यांच्यासोबत चित्रपट पाहताना खूप गोंधळ घातला होता, मी यावेळी नाराज होते आणि उत्तेजित झाली होती. संपूर्ण चित्रपटात त्यांनी शिट्टी वाजवली आणि टाळ्या वाजल्या आणि ते मला ओळखत नसल्यासारखी प्रतिक्रिया देत होते.

चित्रपटाने ५० कोटींचा आकडा पार केला : 'रॉकी और रानी की प्रेम कहानी' धर्मा प्रॉडक्शन आणि वायकॉम१८ च्या बॅनरखाली तयार करण्यात आली आहे. हा चित्रपट गेल्या शुक्रवारी म्हणजेच २८ जुलै रोजी प्रदर्शित झाला आहे. या चित्रपटाला समीक्षकांकडून चांगला प्रतिसाद मिळाला आहे. याशिवाय 'रॉकी और रानी की प्रेम कहानी' थिएटरमध्येही चांगली गाजत आहे. रिलीजच्या चार दिवसांत या चित्रपटाने जवळपास ५३ कोटींचा व्यवसाय केला आहे.

कशी आहे 'रॉकी और रानी की प्रेम कहानी' ? : चित्रपटाच्या कथेबद्दल बोलायचे झाले तर, पंजाबी कुटुंबातील रॉकी आणि बंगाली कुटुंबातील राणी यांच्या प्रेमकथेभोवती या चित्रपटाची कहाणी फिरते. 'रॉकी और रानी की प्रेम कहानी'सह करण जोहर ७ वर्षानंतर दिग्दर्शनात परतला आहे. रोमँटिक-ड्रामा चित्रपटात जया बच्चन यांच्यासोबत रणवीर सिंग, आलिया भट्ट, धर्मेंद्र आणि शबाना आझमी यांच्या प्रमुख भूमिका आहेत.

हेही वाचा :