Jawan and The vaccine war : ब्लॉकबस्टर 'जवान' प्रेक्षकांना 99 रुपयांमध्ये पाहता येणार, किंग खानची चाहत्यांना भेट

Jawan and The vaccine war : 13 ऑक्टोबर हा दिवस राष्ट्रीय सिनेमा दिवस म्हणून साजरा केला जातो. त्यामुळे या दिवशी किंग खाननं आपल्या चाहत्यांना एक विशेष भेट दिली आहे. शाहरुखचा ब्लॉकबस्टर चित्रपट 'जवान' हा प्रेक्षकांना फक्त 99 रुपयांना पाहायला मिळणार आहे. दरम्यान 'द व्हॅक्सिन वॉर'चे दिग्दर्शक विवेक अग्निहोत्री यांनी देखील एक घोषणा केली आहे.

मुंबई - Jawan and The vaccine war : राष्ट्रीय सिनेमा दिवस 13 ऑक्टोबर रोजी साजरा केला जातो. या खास दिवशी शाहरुख खान आपल्या चाहत्यांना एक मोठी भेट देणार आहे. राष्ट्रीय चित्रपट दिनानिमित्त शाहरुख हा त्यांचा ब्लॉकबस्टर चित्रपट 'जवान' फक्त 99 रुपयांमध्ये प्रेक्षकांना दाखवणार आहे. 2023 मध्ये बॉलिवूड चित्रपटांना बॉक्स ऑफिसवर मोठं यश मिळालंय. मल्टीप्लेक्स असोसिएशन ऑफ इंडियानुसार राष्ट्रीय सिनेमा दिनाच्या निमित्तानं देशभरात 4000 सिनेमागृहामध्ये 99 रुपयांमध्ये चित्रपट पाहण्याची संधी प्रेक्षकांना मिळणार आहे. याशिवाय 'जवान' चित्रपट 99 रुपयांमध्ये पाहायला मिळणार आहे, त्यामुळे शाहरुखचे चाहते खूप खुश आहेत. 'जवान' 7 सप्टेंबर रोजी जगभरातील चित्रपटगृहांमध्ये प्रदर्शित झाला. या चित्रपटानं आतापर्यंत 1100 कोटींहून अधिकचा व्यवसाय बॉक्स ऑफिसवर केला आहे.

• View this post on Instagram

  A post shared by Shah Rukh Khan (@iamsrk)

शाहरुख खाननं दिली चाहत्यांना भेट : आता शाहरुख आणि त्याची पत्नी गौरी खान यांनी नॅशनल सिनेमा डे 2023 ला मोठ्या ऑफरसह 'जवान' चित्रपट दाखवण्याचा निर्णय घेतला असून 'द व्हॅक्सीन वॉर'चे दिग्दर्शक विवेक अग्निहोत्री यांनीही राष्ट्रीय सिनेमा दिनी प्रेक्षकांना आपला चित्रपट स्वस्तात दाखवण्याचा निर्णय घेतला आहे. दरम्यान आता शाहरुख खाननं त्याच्या इंस्टाग्राम अकाऊंटवर 'जवान'चं पोस्टर शेअर करत लिहलं, 'राष्ट्रीय सिनेमा दिनानिमित्त तुम्हा सर्वांसाठी एक खास भेट, फक्त सिनेमाच्या प्रेमासाठी, या 13 ऑक्टोबरला चित्रपटगृहामध्ये जा आणि 99 रुपयांमध्ये 'जवान' चित्रपट पहा'. असा त्यानं चाहत्यांना संदेश दिला आहे.

विवेक अग्निहोत्रीची घोषणा : दरम्यान आता दिग्दर्शक विवेक अग्निहोत्री यांनी चाहत्यांना त्यांचा नुकताच प्रदर्शित झालेला 'द व्हॅक्सिन वॉर' चित्रपट थिएटरमध्ये 99 रुपयांमध्ये दाखविण्याचा निर्णय घेतला आहे. हा चित्रपट 28 सप्टेंबर रोजी थिएटरमध्ये प्रदर्शित झाला होता. 'द व्हॅक्सिन वॉर' चित्रपट रुपेरी पडद्यावर खूप खराब कामगिरी करत आहे. दुसरीकडे 'जवान' चित्रपट रिलीज होऊन 36 दिवस झाले आहे, मात्र अजूनही हा चित्रपट बॉक्स ऑफिसवर प्रचंड कमाई करत आहे. 'जवान'नं पहिल्या दिवशी 75 कोटींचा व्यवसाय केला होता. या चित्रपटातील गाणी देखील प्रेक्षकांना खूप आवडली आहेत. नयनतारा आणि किंग खान जोडी ही रुपेरी पडद्यावर खूप हिट झाली आहे.

हेही वाचा :