मुंबई - बॉलिवूडचा 'बादशाह' शाहरुख खानसोबतच त्याचा 'मन्नत' हा बंगलाही खूप चर्चेत आहे. 'किंग खान'च्या बंगल्यासमोरून जो कोणी चाहता जवळून जातो, तो नक्कीच सेल्फी घेतो. हे लक्षात घेऊन शाहरुख आणि गौरी त्यांच्या 'मन्नत' या आलिशान बंगल्याची वेळोवेळी दुरुस्ती करून घेतात. काही दिवसांपूर्वी 'मन्नत' नावाच्या फलकावरून चर्चेत आला होता. खरे तर गौरी खानने पांढऱ्या रंगाची नेम प्लेट तयार करून मुख्य गेटवर लावली होती, पण नंतर ती काढून टाकण्यात आली. आता ब-याच दिवसांनी गौरीने पुन्हा एकदा 'मन्नत'ची नेम प्लेट तयार केली असून ती 'डायमंड'ची नेम प्लेट असल्याचे बोलले जात आहे. आता गौरी खानने स्वतः घराच्या नेम प्लेटसमोर उभं राहून एक अप्रतिम पोज दिली आहे आणि नेमप्लेट कशापासून बनलेली आहे हे सांगितले आहे.
- " class="align-text-top noRightClick twitterSection" data="
">
गौरी खान 'मन्नत'च्या नेम प्लेटसमोर दिसली फुल स्वॅगमध्ये पोज - बॉलिवूडचा 'बादशाह' शाहरुख खानची 'बेगम' गौरी खानने मन्नत या आलिशान बंगल्याच्या नव्या नेमप्लेटसमोरचा फोटो क्लिक करून शेअर केला आहे. या फोटोत गौरी खान डोळ्यांवर चष्मा घालून आणि निळ्या डेनिमवर काळ्या रंगाचा ओव्हरकोट घातलेली दिसत आहे. फोटो शेअर करत गौरी खानने लिहिले की, ''तुमच्या घराचा मुख्य दरवाजा हा तुमच्या कुटुंबासाठीचे प्रवेशद्वार असते. त्यामुळे नेमप्लेट सकारात्मक उर्जा आकर्षित करते. आम्ही यासाठी काचेचे पारदर्शक साहित्य वापरले आहे आणि ग्लास क्रिस्टल बनवले आहेत, जे सकारात्मक, शांत आणि उर्जेचे वातावरण तयार करते.''
एका फॅन क्लबने मन्नतचे फोटो आणि व्हिडिओ ट्विट केले आणि लिहिले, 'शेवटी आमची प्रतीक्षा संपली आणि मन्नत येथे आमच्या सुंदर डायमंड नेम प्लेट्ससह नवीन गेट'. 'मन्नत' आणि त्यावर लँड्स एंड लिहिलेल्या नवीन नावाच्या पाट्या अंधारात चमकत असलेल्या फोटोमध्ये दिसत आहेत.
हेही वाचा - कार्तिक आर्यनने कुटुंबासोबत साजरा केला 32 वा वाढदिवस, पाहा फोटो
