हैदराबाद : साऊथचा सुपरस्टार अल्लू अर्जुनच्या चाहत्यांसाठी एक वाईट बातमी आहे. हैदराबाद वाहतूक पोलिसांनी अभिनेत्याला वाहतूकीचे नियम तोडल्याबद्दल त्याला दंड भरावा लागला आहे. अल्लू अर्जुनने हैदराबादमध्ये वाहतूक नियमांचे उल्लंघन केल्याने अल्लूला 700 रुपये एवढा दंड भरावा लागला. अल्लूने त्याच्या एसयूव्ही कारमध्ये टिंटेड चष्मा लावला होता.
एवढ्या रुपयांचा भरला दंड
अल्लू अर्जुनने त्याची लँड रोव्हर लक्झरी कार टिंटेड ग्लासने झाकली होती. हे वाहतूक नियमांच्या बाहेर आहे. हैदराबाद वाहतूक पोलिसांनी अल्लू अर्जुनची कार पाहिली. तेव्हा त्यांनी अल्लू अर्जुनला 700 रुपयांचा दंड दिला. आरशांचा रंग लक्षात आल्यानंतर अल्लू अर्जुनला हैदराबाद वाहतूक पोलिसांनी शहरातील एका ठिकाणी थांबवले.
कायदा काय सांगतो?
2012 मध्ये सुप्रीम कोर्टाने आपल्या एका आदेशात म्हटले होते की, कारमध्ये टिंटेड ग्लास किंवा सन फिल्म याचा वापर केल्यास त्याला दंड बसेल. गेल्या वर्षी अल्लू अर्जुनचा 'पुष्पा - द राइज' हा चित्रपट प्रदर्शित झाला आहे. या चित्रपटाच्या गाण्याने सोशल मीडियावर तुफान धुमाकूळ घातला होता. लवकरच तो अभिनेता 'पुष्पा - द रुल्स' चित्रपटाचे दुसरा भागाचे शूटिंग करणार आहे.
हेही वाचा - 'Bridgerton' season 2 on Netflix : ब्रिजटन 2 या शोचा दुसरा सीझन येणार नेटफ्लिक्सवर
