ठाणे - ठाण्यात नुकताच करोडो रुपयांच्या खंडणी प्रकरणी गुन्हा दाखल झालेला आहे. त्यामध्ये माझे नाव घेऊ नको, असे आवाहन करत या मोबदल्यात करोडो रुपये देऊ केल्याचा आरोप तक्रारदार सोनू यांनी केला आहे. मी गुन्हा दाखल करण्यासाठी जात असताना ठाण्यातील कंत्राटदार असलेल्या विकास दाभाडे यांनी फोन करून फोनवर करोडो रुपयांचे आमिष दाखवले असल्याचा,आरोप सोनू जालान यांनी केला आहे.
'भाजपच्या तिकिटावर पालिकेची निवडणूकही लढवली'
विकास दाभाडे हे ठाणे महानगरपालिकेत कंत्राटदार आहेत. त्यांची आणि प्रदीप शर्मा यांची मैत्री जुनी आहे. त्यांची या आधीही पोलिसांनी चौकशी केलेली आहे. विकास यांच्यावर वाळीव पोलीस ठाण्यात बेटिंगचाही गुन्हा दाखल आहे. विकास दाभाडे यांनी भाजपच्या तिकिटावर पालिकेची निवडणूकही लढवलेली आहे. मोठ्यामोठ्या गाड्या आणि उच्च दर्जाचे राहणीमान यासह राजकीय नेत्यांशी असलेले संबंध यामुळे विकास दाभाडे हे नाव ठाण्यात चर्चेत असते. आता सोनू यांनी याबाबत फोन कॉलचे रेकॉर्डिंगही ठाणे पोलिसांना दिले आहे. दरम्यान, यावर कठोर कारवाईचीही मागणी केली आहे.एवढा
'पैसा आणतात कुठून?'
करोडो रुपयांचे आमिष दाखवणारे हे लोक एवढा पैसा आणतात कुठून? हा काळा पैसा कोणाचा आहे? याचा शोध घेतला पाहीजे असे आवाहन सोनू यांनी ठाणे पोलिसांना केले आहे. काल ठाणे नगर पोलीस ठाण्यात दाखल झालेल्या गुन्ह्यात परमबीर सिंग यांच्यासह अनेक पोलीस अधिकारी विकास दाभाडे गँगस्टर रवी पुजारी यांचाही समावेश आहे.
