पुणे - टोल न देता कोणतेही वाहन जाऊ नये, अशी कडक नियमावली आहे. मात्र, तसे असतानाही मुंबई - पुणे द्रुतगती महामार्गावर ( Mumbai Pune Highway ) दररोज तब्बल 10 हजार वाहने टोल न देता जात ( Vehicles Travel Without Paying Toll ) असल्याची माहिती महाराष्ट्र राज्य रस्ते विकास मंडळाने ( Maharashtra State Road Development Board ) दिली आहे. तर समोर आलेली आकडेवारी ही संशायस्पद असल्याचा आरोप माहिती अधिकार कार्यकर्ते विवेक वेलणकर ( Rti Activist Vivek Velankar ) यांनी केला आहे. त्यामुळे 'टोल' मध्ये मोठा 'झोल' झाल्याच्या चर्चांना आता उधाण आले आहे.
काय आहे नेमक प्रकरण
पुण्यातील माहिती अधिकार कार्यकर्ते विवेक वेलणकर यांनी माहिती आयुक्तांकडे मुंबई - पुणे द्रुतगती महामार्गावर दररोज प्रवास करणाऱ्या वाहनांची माहिती मागवली होती. त्यानंतर माहिती अधिकार आयुक्तांनी दिलेल्या निर्देशानंतर महाराष्ट्र राज्य रस्ते विकास मंडळाकडून मुंबई - पुणे महामार्गावर प्रवास करणाऱ्या वाहनांची माहिती प्रसिद्ध करण्यात आली. त्यात फक्त डिंसेबर महिन्यात साडेतीन लाख वाहनांनी मुंबई - पुणे महामार्गावर टोल न देता प्रवास केल्याचे सांगण्यात आले.
exempt आणि violators किती?
रस्ते विकास मंडळाने दिलेल्या या अहवालात टोल न देता प्रवास करणाऱ्या वाहनांमधे exempt म्हणजे ज्यांना सुट आहे अशी वाहने आणि violeters म्हणजे टोल चुकवून जाणारी वाहने यांचा समावेश असल्याचा दावा करण्यात आलाय. मात्र, यातील exempt किती आणि violators किती हे मात्र सांगण्यात आलेले नाही. त्यामुळे टोल मध्ये मोठा झोल असल्याचे बोलले जात आहे.
याबाबत बोलताना माहिती अधिकार कार्यकर्ते विवेक वेलणकर म्हणाले की, आमदार, खासदार, पोलीस, रुग्णवाहिका, लष्कराची वाहने या वाहनांना टोल मधून सुट आहे. असे दररोज दहा हजार वाहने द्रुतगती महामार्गावर प्रवास करत असतील अशी शक्यता नाही. म्हणून महाराष्ट्र राज्य रस्ते विकास मंडळाकडून देण्यात आलेली ही आकडेवारी संशयास्पद असल्याचा आरोप त्यांनी केला."
हेही वाचा - Naxals burn Vehicles : गडचिरोलीत नक्षलवाद्यांकडून वाहनांची जाळपोळ; रस्त्यांच्या कामाला विरोध
