पुणे - शहरातील पाटील इस्टेट परिसरात सोमवारी मध्यरात्री आग लागली. या आगीत पाटील इस्टेट परिसरातील ६ ते ७ घर जळून खाक झाली. ही आग सोमवारी मध्यरात्री लागली. अचानक लागलेल्या या आगीमुळे परिसरात खळबळ उडाली. घटनेची माहिती मिळताच अग्निशामक दलाने घटनास्थळी धाव घेत आगीवर नियंत्रण मिळवले. सुदैवाने, या आगीत कोणतीही जीवितहानी झालेली नाही.
शहरातील पाटील इस्टेट परिसर, दाटीवाटीचे घर आणि दुकानांचा परिसर आहे. या परिसरात मध्यरात्री अचानक आग लागली. तेव्हा तातडीने अग्निशामक दलाला पाचारण करण्यात आले. अग्निशामक दलाच्या ९ बंबांनी आगीवर नियंत्रण मिळवण्याचे प्रयत्न सुरू केले. दरम्यान, आग लागल्यानंतर परिसरातल्या नागरिकांनी सुरक्षित ठिकाणी धाव घेतली. त्यामुळे दुर्घटना टळली.
सुदैवाने या आगीत कुठलीही जीवितहानी झालेली नाही. दरम्यान, आग लागण्याचे नेमके कारण अद्याप समोर आले नाही. मागील पाच महिन्यात पाटील इस्टेट परिसरात आग लागण्याची ही तिसरी घटना आहे. या परिसरात आग लागून मोठ्ठ नुकसान झाल्याच्या घटना यापूर्वीही घडल्या आहेत.