नाशिकमध्ये बंगल्यांसह अपार्टमेंटला कोरोनाचा विळखा; झोपड्यांमध्ये कमी प्रादुर्भाव

नाशिक शहरात अनेक नागरिक सोशल डिस्टन्सिंगसह मास्क घालण्याच्या नियमाचे पालन करत नाहीत. त्याचा परिणाम म्हणून शहरात कोरोनाचे रुग्ण वाढत आहेत.

प्रतिबंधित क्षेत्र

Published : Sep 24, 2020, 12:15 PM IST

नाशिक - शहरात सर्वधिक कोरोनाचा प्रादुर्भाव बंगले आणि अपार्टमेंटमध्ये दिसून येत आहे. अनेक नागरिकांकडून कोरोनाच्या नियमांचे काटेकोरपणे पालन करण्यात येत नाही. त्यामुळे नाशिकमध्ये दिवसेंदिवस कोरोनाचा प्रादुर्भाव वाढत आहे. त्या तुलनेत झोपड्यांत कमी प्रादुर्भाव दिसून येत आहे.

शहरात 46 हजार जणांना कोरोनाची लागण झाली आहे. तर एकूण 669 जणांचा मृत्यू झाला आहे. तर 40 हजार 996 जण कोरोनामुक्त झाले आहेत. टाळेबंदीनंतर मोठ्या प्रमाणात नागरिक रस्त्यावर दिसत आहेत. तसेच बाजारपेठेतदेखील गर्दी दिसून येत आहे. अनेक नागरिक कोरोनाचा नियम टाळण्यासाठी असलेल्या नियमांचे सर्रास उल्लंघन करताना दिसून येत आहे. त्यामुळे शहरात कोरोनाचा प्रादुर्भाव वाढत आहे.

शहरात सद्यस्थितीत 4 हजार 433 रुगण वेगवेगळ्या रुग्णालयांमध्ये उपचार घेत आहेत. तर 2 हजार 67 प्रतिबंधित क्षेत्र घोषित करण्यात आले आहेत. यात विशेष म्हणजे 1 हजार 161 अपार्टमेंट व 829 बंगल्याचा समावेश आहे. अनेक नागरिक समाजात वावरताना सरकारने दिलेल्या सूचनांकडे दुर्लक्ष करत असल्याचे दिसून येत आहे. यामध्ये सोशल डिस्टनसिंग, मास्क आणि स्वतःच्या स्वच्छतेकडे दुर्लक्ष करणे या सूचनांचा समावेश आहे.

शहरातील प्रतिबंधित अपार्टमेटमध्ये सर्वाधिक 419 अपार्टमेट पंचवटी भागातील आहेत. त्यापाठोपाठ 405 अपार्टमेंट नाशिकरोड भागात आहेत. नाशिक पश्चिम भागात सर्वधिक कमी म्हणजे 301 अपार्टमेंट प्रतिबंधित आहेत. तसेच प्रतिबंधित बंगल्यांमध्ये सर्वाधिक 48 बंगले हे पंचवटी भागतील आहे. केवळ 14 झोपड्या प्रतिबंधित क्षेत्रात आहेत.

नाशिक शहरात कोरोना रुग्ण आढळून आल्याने शेकडो अपार्टमेंट आणि बंगले प्रतिबंधित करण्यात आले आहेत. शहरात हजारो झोपड्या असताना केवळ 18 झोपड्या प्रतिबंधित करण्यात आल्या आहेत.

एकुण प्रतिबंधीत क्षेत्र 2 हजार 67