नाशिक: हनुमानाचे जन्मस्थळ कोणते यावरून वाद ( Argument Hanuman birthplace ) सुरू असतांना, चेन्नई येथील सीपीआर इन्व्हेस्टमेंट सेंटरच्या शासकीय वेबसाईटनुसार नाशिकचे अंजनेरी हेच हनुमानाचे जन्मस्थळ असल्याचे म्हटले आहे. एकीकडे वेगवेगळ्या पुराणात हनुमानाच्या जन्मस्थळाबाबत वेगवेगळ्या आख्यायिका असल्याच्या दिसून येत आहे. त्यामुळे हनुमानाच्या जन्मस्थळ नेमके कोणते याबाबत अद्याप उत्तर मिळू शकत नाही.
नाशिकजवळील अंजनेरी हा वाद पुरावा आधारित सोडवण्यासाठी नाशिकला शास्त्रार्थ सभा पार पडली. परंतु या सभेमध्ये आसनव्यवस्था पासून सुरू झालेला वाद बूम उगारणे पर्यंत पोहोचला. अखेर पोलिसांना मध्यस्ती करावी लागली, या सभेमध्ये वाद-प्रतिवाद होऊन दोन्ही पक्षांनी पुराणातील दाखले दिले. वाल्मिकी रामायणात उल्लेख असलेल्या दाखल्यानुसार किष्किंधा हेच श्री हनुमानाचे जन्मस्थळ ( Kishkindha is birthplace of Lord Hanuman ) असल्याचे स्वामी गोविंदानंद सरस्वती यांनी म्हटले आहे. मात्र आता चेन्नईतील सीपीआर एन्व्हायरमेंट एज्युकेशन सेंटरच्या ( Chennai CPR Environment Education Center ) शासकीय वेबसाइट नुसार नाशिकचे अंजनेरी हेच हनुमनाचे जन्मस्थळ असल्याचे दाखले गोदाप्रेमी देवांग जानी यांनी म्हटले आहे.
गोदामहात्म्य व त्रंबकमहात्म्य यांच्यानुसार अंजनेरी येथेच अंजनी मातेने तपश्चर्या केली, तेव्हा हनुमंताचा जन्म झाला. असा पुरावा पुरोहित संघाचे अध्यक्ष सतीश शुक्ल ( President of Purohit Sangh Satish Shukla ) यांनी दिला आहे. तर ब्रह्मपुराणाच्या 84 व्या अध्यायनुसार अंजनेरी हेच हनुमंताचे जन्मस्थळ असल्याचे चुडामणी शांताराम भानुसे यांनी म्हटले आहे.
देशात चार ठिकाणी वेगवेगळ्या हनुमान जयंती साजऱ्या होतात. भगवान कथेमध्येही त्याचा उल्लेख आहे. ग्रंथांमध्ये असलेल्या वाक्यांचा अपमान करणार नाही, अंजनेरी हे हनुमान जन्मस्थळ ( Anjaneri is the birthplace of Hanuman ) असल्याचा ब्रह्मकल्पमध्ये उल्लेख आहे, कोणाची बाजू घेणार नाही, गोविंदानंद यांची विचार धारा बदलेल असं रामजन्म शिलान्यास सोहळ्याचे पुजारी गंगाधर पाठक यांनी म्हटले आहे.
हेही वाचा - Nashik-Kalvan Road Accident : ट्रॅक्टर आणि कारमध्ये भीषण अपघात सहा ठार, 16 जखमी
