मुंबई - राज्यात कोरोनाबाधितांच्या संख्येत भर पडली असून आज आतापर्यंत चार हजार 483 पॉझिटिव्ह रुग्ण आढळले आहेत. यामध्ये मुंबई सर्वाधिक रुग्ण आहेत. आज शहरातील रुग्णांमध्ये 187 नवीन कोरोनाबाधित आढळल्याने प्रशासनाच्या चिंतेत भर पडलीय. तसेच राज्यभरात एकूण 283 नवे रुग्ण सापडले आहेत.
यामध्ये भिवंडीत - 1, कल्याण- डोंबिवली 16, मीरा भाईंदर - 7, बृहन्मुंबई 187, नवी मुंबई - 9, पनवेल - 6, वसई विरार - 22 यांचा समावेश आहे. याचसोबत पुण्यातील पिंपरी-चिंचवडमध्ये आणखी नऊ जणांना लागण झाली आहे.
या व्यतिरिक्त रायगड 2, सातारा 1, सोलापूर 1, ठाणे 21, नागपूर 1 असे एकूण राज्यभरात नव्याने 283 नवीन रुग्णांची वाढ झाली आहे.
