मुंबई - कोरोनाचा प्रसार रोखण्यासाठी 16 जानेवारीपासून मुंबईत लसीकरण मोहीम सुरू आहे. या मोहिमेनुसार सोमवार ते बुधवार वॉक इन पद्धतीने येणाऱ्या तर गुरुवार ते शनिवार नोंदणी पद्धतीने येणाऱ्या 45 वर्षावरील नागरिकांचे लसीकरण केले जात आहे. आज मंगळवारी 34 हजार 265 लाभार्थ्यांना लस देण्यात आली आहे. 16 जानेवारीपासून आतापर्यंत एकूण 30 लाख 14 हजार 743 लाभार्थ्यांना लस देण्यात आली आहे. मुंबईत गेल्या चार महिन्यात 30 लाख लसीचे डोस देण्यात आले आहेत.
लसीकरणाची आकडेवारी
मुंबईत आज 34 हजार 265 हजार लाभार्थ्यांना लस देण्यात आली. त्यात 31 हजार 305 लाभार्थ्यांना पहिला तर 2 हजार 960 लाभार्थ्यांना दुसरा डोस देण्यात आला. आतापर्यंत एकूण 30 लाख 14 हजार 743 लाभार्थ्यांना लस देण्यात आली, त्यात 22 लाख 76 हजार 30 लाभार्थ्यांना पहिला, तर 7 लाख 38 हजार 713 लाभार्थ्यांना दुसरा डोस देण्यात आला आहे. आतापर्यंत आरोग्य कर्मचाऱ्यांना 3 लाख 1 हजार 347, फ्रंटलाईन वर्करला 3 लाख 59 हजार 150, जेष्ठ नागरिकांना 11 लाख 89 हजार 999, 45 ते 59 वर्षामधील नागरिकांना 10 लाख 65 हजार 41 तर 18 ते 44 वर्षामधील नागरिकांना 99 हजार 206 लसीचे डोस देण्यात आले आहेत.
'मोबाईलवर संदेश आला असेल, तरच लसीकरणाला या'
मुंबईत कोरोनाचा प्रसार रोखण्यासाठी 16 जानेवारीपासून कोरोना लसीकरणाला सुरुवात झाली. सुरुवातीला आरोग्य कर्मचारी व फ्रंट लाईन वर्करला लस दिली जात होती. 1 मार्चपासून 60 वर्षावरील वयोवृद्ध तसेच 45 ते 59 वर्षामधील विविध गंभीर आजार असलेल्या नागरिकांना लस दिली जात आहे. 1 मे पासून 18 ते 45 वर्षामधील लाभार्थ्यांचे लसीकरण सुरु झाले आहे. सोमवार ते बुधवार जेष्ठ नागरिक तसेच दिव्यांग यांचे लसीकरण केले जाणार आहे. तर गुरुवार ते शनिवार पर्यंत कोविन ऍपवर नोंदणी करून मोबाईलवर संदेश आला असेल, तरच लसीकरणाला या असे आवाहन पालिकेने केले आहे. स्तनदा माता आणि गरोदर महिलांचेही लसीकरण केले जाणार आहे.
एकूण लसीकरण
आरोग्य कर्मचारी - 3,01,347
फ्रंटलाईन वर्कर - 3,59,150
जेष्ठ नागरिक - 11,89,999
45 ते 59 वय - 10,65,041
18 तर 44 वय - 99,206
एकूण - 30,14,743
हेही वाचा - 'या' कंपनीच्या कर्मचाऱ्याचा कोरोनाने मृत्यू झाला तर निवृत्तीपर्यंत कुटुंबाला मिळणार वेतन
