मुंबई - लखीमपूर शेतकरी हत्या प्रकरणानंतर भारतीय जनता पक्षाच्या विरोधात देश आणि राज्यातील विरोधक एकवटले आहेत. शेतकऱ्यांना चिरडून मारल्याचा निषेधार्थ येत्या ११ ऑक्टोबरला 'महाराष्ट्र बंद'ची हाक देण्यात आली आहे. यामध्ये शिवसेनेची भारतीय कामगार सेना सहभागी होणार आहे. 11 तारखेला कडकडीत बंद करूया असे आवाहन शिवसेना खासदार आणि भारतीय कामगार सेनेचे अध्यक्ष अरविंद सावंत यांनी केले आहे.
'महाराष्ट्राला बदनाम करण्याचा प्रयत्न'
लखिमपुर मध्ये घडलेली घटना इतिहासाला काळीमा फासणारी घटना आहे. खाजगी उद्योगांना पंजाब हरियाणात गोदाम टाकण्याची परवानगी मिळाली तेव्हा शेतकरी बिखरला आहे. या कायद्याने कामगारांना उध्वस्त केले. शेतकऱ्याला चिरडल बेछूट खाजगीकरण सुरू आहे. कायद्याने दिलेलं त्याची टाळलं जातं आहे. महाराष्ट्रातील महाविकास आघाडी 11 तारखेला महाराष्ट्र बंद मध्ये सहभागी होणार आहे. शिवसेनेची भारतीय कामगार सेना सहभागी होणार आहे. अजित पवार, अनिल परब यांच्या संबंधित घडलेल्या घटना महाराष्ट्राला बदनाम करण्याचा प्रयत्न आहे. उध्दव ठाकरे मुख्यमंत्री झाल्यापासून बदनाम करण्याचे काम सुरू आहे, असे अरविंद सावंत यांनी सांगितले.
'सरकारला प्रोटोकॉल कळतो'
चिपी विमानतळाचे उद्या उद्घाटन आहे. या उद्घाटनाच्या निमंत्रण पत्रावरून आता राजकारण सुरू झाले. या निमंत्रण पत्रिकेत 3 ऱ्या क्रमांकावर नाव असल्याने केंद्रिय मंत्री यांनी टीका केली आहे. या टीकेला सावंत यांनी प्रतिउत्तर दिले आहे. सरकारला प्रोटोकॉल कळतो. त्याप्रमाणेच निमंत्रण पत्रिका दिली आहे. विकास कामांवर बोलत आहात. तुम्ही काय विकास केला ते आधी बघा. ज्यांना सूक्ष्म खातं देण्यात आले आहे त्यांचे नाव निमंत्रण पत्रिकेवरही तसेच टाकले आहे. त्यांनी जिल्ह्याचा नाही तर व्यक्तिगत विकास जास्त केला आहे. ते यादी जाहीर करणार म्हणत आहेत, तर त्यांनी स्वत:चे नाव सर्वात वर टाकावे, असा टोला अरविंद सावंत यांनी लगावला आहे.
हेही वाचा - मला ईडीची नोटीस पाठवणाऱ्यांना जनतेने वेडी ठरवले, पवारांचे टीकास्त्र
