मुंबई - सामाजिक न्यायमंत्री धनंजय मुंडे यांना खंडणी ( Dhananjay Munde Extortion Case ) मागणाऱ्या आरोपी रेणू शर्माच्या जामीन अर्जावर आज ( 6 मे ) सुनावणी पार पडली. यावेळी मुंबई महानगर दंडाधिकारी न्यायालयाने रेणू शर्माचा जामीन अर्ज फेटाळला ( Renuka Sharma Bail Rejected ) आहे. 20 एप्रिल रोजी रेणू शर्माला मुंबई पोलिसांनी इंदौरमधून अटक केले होते. सध्या रेणू शर्मा भायखळा कारागृहात न्यायालयीन कोठडीत आहे.
रेणू शर्माच्या जामीन अर्जावर सुनावणीवेळी न्यायालयाने म्हटले की, रेणू शर्माच्यांवरील आरोप अत्यंत गंभीर असून, तपास सुरू आहे. त्यामुळे या टप्प्यावर जामीन मंजूर केल्यास तपासावर निश्चितपणे परिणाम होईल, असे कारण देत न्यायाधीशांनी जामीन अर्ज फेटाळला आहे. त्यामुळे रेणू शर्मांचा जेलमधील मुक्काम वाढला आहे.
काय आहे प्रकरण? - फेब्रुवारी आणि मार्च महिन्यात रेणू शर्माने आंतरराष्ट्रीय क्रमांकावरून धनंजय मुंडे यांना फोन केला होता. तेव्हा धनंजय मुंडे यांच्याकडे पाच कोटी रुपयांचे दुकान आणि महागड्या मोबाईलची मागणी केली. मागणी पूर्ण न केल्यास तुमची बदनामी करेन, अशी धमकी या रेणू शर्मा हिने धनंजय मुंडे यांना दिली होती. धनंजय मुंडेंनी रेणू शर्मा विरोधात मुंबई पोलिसांत तक्रार दाखल केली होती. त्यानंतर हे प्रकरण गुन्हे शाखेकडे सोपवण्यात आले होते. गुन्हे शाखेने इंदौरला जाऊन रेणू शर्माला ताब्यात घेतले. रेणू शर्मा हिच्याविरुद्ध यापूर्वीही ब्लॅकमेलिंगच्या अनेक तक्रारी विविध पोलीस ठाण्यात नोंदवण्यात आल्या होत्या.
हेही वाचा - Pravin Darekar : प्रवीण दरेकरांचा 'या' प्रकरणावरुन ठाकरे सरकारवर हल्लाबोल; म्हणाले...
