मुंबई : उपमुख्यमंत्री देवेंद्र फडणवीस यांनी मुख्यमंत्री एकनाथ शिंदे यांची 'वर्षा' (Varsha Residence) या शासकीय निवासस्थानी काल रात्री उशिरा भेट (Devendra Fadnavis meets CM Eknath Shinde) घेतली. जवळपास तासभर झालेल्या बैठकीत अनेक महत्त्वाच्या मुद्द्यांवर चर्चा झाल्याची माहिती आहे.
दोन्ही नेत्यांमध्ये महत्त्वाची चर्चा - सध्या राज्यभराचे लक्ष असलेली अंधेरी पूर्वची पोट निवडणूक महत्त्वाची असून या निवडणुकीबाबत दोन्ही नेत्यांमध्ये चर्चा झाली आहे. मुंबई महानगरपालिकेच्या निवडणुकीआधी होणारी मुंबईतील अंधेरी पूर्व विधानसभा मतदारसंघातील पोटनिवडणूक (Andheri East by election) ही अत्यंत महत्त्वाची आहे. या निवडणुकीत विजय मिळवणाऱ्या पक्षाला महानगरपालिका निवडणुकीत जनाधार मिळेल, असे कयास लावले जात आहेत. त्यामुळे ही निवडणूक शिवसेना उद्धव बाळासाहेब ठाकरे, या पक्षासाठी जेवढी महत्त्वाची आहे. तेवढीच भारतीय जनता पक्षासाठी देखील महत्त्वाची आहे. मुंबई महानगरपालिकेवर भारतीय जनता पक्षाची सत्ता आणण्यासाठी ही निवडणूक जिंकणे अत्यंत महत्त्वाचे असून, या निवडणुकीबाबत उपमुख्यमंत्री आणि मुख्यमंत्री यांच्या बैठकीत चर्चा झाली (CM Eknath Shinde at Varsha residence) आहे.
