मुंबई - कोरोनाचे देशातील रुग्ण वाढत असल्याने शेअर बाजार गुंतवणूकदारांनी प्रचंड धसका घेतला आहे. मुंबई शेअर बाजारात ३,९३४.७२ अंशांनी पडझड झाली आहे. ही शेअर बाजारामधील आजपर्यंतची सर्वात मोठी घसरण झाली आहे. या घसरणीनंतर मुंबई शेअर बाजार २५,९८१.२४ वर स्थिरावला. तर निफ्टीचा निर्देशांक हा १,१३५ अंशांनी घसरून ७,६१० वर स्थिरावला.
शेअर बाजार निर्देशांक ४ हजार अंशांनी कोसळून २६,००० अंशांच्या खाली पोहोचला होता. शेअर बाजार बंद होताना ३,९३४.७२ अंशांनी पडझड झाली आहे.
कोरोनाच्या रुग्णांची संख्या वाढत असल्याने देशातील उद्योग व व्यवसाय ठप्प झाले आहेत. याचा परिणाम म्हणून शेअर बाजारात सकाळपासून मोठी पडझड झाली आहे. मुंबई शेअर बाजार सकाळच्या सत्रात ३,१८२.८८ अंशांनी घसरून २६,७३३.०८ वर पोहोचला.
निफ्टीचा निर्देशांक ९२३.९५ अंशांनी घसरून ७,८२१.५० वर पोहोचला. शेअर बाजारातील सर्व कंपन्यांच्या शेअरमध्ये घसरण झाली आहे. अॅक्सिस बँकेचे शेअर सुमारे २० टक्क्यापर्यंत घसरले आहेत. त्यापाठोपाठ आयसीआयसीआय बँक, इंडसइंड बँक, बजाज फायनान्स, हिरो मोटोकॉर्प आणि एम अँड एमच्या शेअरमध्ये घसरण झाली आहे.
हेही वाचा-सॅनिटायझरची खरेदी करण्याकरता 'ही' कंपनी कर्मचाऱ्यांना देणार १ हजार रुपये
शेअर बाजार गुंतवणूकदारांनी केवळ एका तासातच सुमारे १० लाख कोटी रुपये गमाविले आहेत. देशामध्ये ३८० हून अधिक जणांना कोरोनाची लागण झाली आहे. तर सात जणांनी प्राण गमाविले आहेत.
हेही वाचा-VIDEO : 'कोरोना'मुळे उघडताच गडगडला शेअर बाजार; कारण जाणून घ्या तज्ज्ञांकडून..
