कोलकाता ( पश्चिम बंगाल ) : सर्वांच्या नजरा पश्चिम बंगालचे माजी शिक्षण मंत्री पार्था चॅटर्जी यांच्याकडे आहेत. कारण कोलकाता उच्च न्यायालयाच्या निर्देशानुसार सीबीआय एसएससी भरती घोटाळ्यातील ( WB SSC Scam ) चौकशीच्या अंतिम टप्प्यात पोहोचत आहे. केंद्रीय अन्वेषण ब्युरो (सीबीआय) ने यापूर्वीच अनेक दिग्गजांची चौकशी केली आहे. ज्यात माजी शिक्षण मंत्री पार्था चॅटर्जी ( Partha Chatterjee ) यांचाही समावेश आहे.
सीबीआयच्या सूत्रांनी दिलेल्या माहितीनुसार या प्रकरणाच्या तपासात बरीच माहिती समोर आली आहे. पुराव्याच्या आधारे तपासकर्त्यांना बुधवारी मोठा निर्णय अपेक्षित आहे. सीबीआयने हात आखडता घेतला असला तरी, चॅटर्जी जेव्हा चौकशीसाठी जातील त्यावेळी त्यांच्याबाबत मोठा निर्णय घेण्यात येऊ शकतो. उल्लेखनीय आहे की, कलकत्ता उच्च न्यायालयाचे न्यायमूर्ती अभिजित गांगुली यांनी याआधी आदेश दिले होते की सीबीआय आवश्यक असल्यास पार्था चॅटर्जीला ताब्यात घेऊन चौकशी करू शकते.
सीबीआयच्या सूत्रांनी सांगितले की, पार्था चॅटर्जीने गेल्या बुधवारी चौकशीदरम्यान अनेक प्रश्नांची उत्तरे देण्याचे टाळले होते. त्यामुळे तपासकर्ते समाधानी नाहीत, त्यामुळेच तृणमूल काँग्रेसच्या सरचिटणीसांना आठवडाभरानंतर पुन्हा चौकशीसाठी बोलावण्यात आले आहे. सीबीआयने यापूर्वीच एसएससी नियुक्ती समितीचे सल्लागार शांती प्रसाद सिन्हा आणि अनेक एसएससी अधिकाऱ्यांची चौकशी केली आहे. चौकशीतून माहिती गोळा केल्यानंतर आता पार्था चॅटर्जीकडे सर्वांच्या नजरा खिळल्या आहेत. त्यामुळे सीबीआय अधिकारी बुधवारी पार्था चॅटर्जी आणि शांती प्रसाद सिन्हा यांची समोरासमोर चौकशी करू शकतात. पार्था चॅटर्जीच्या वकिलांनी सीबीआयला अधिक वेळ मागितल्यानंतर सर्वोच्च न्यायालयात जाण्याची तयारी सुरू केली आहे, जी तपास यंत्रणेने नाकारली.
