हैदराबाद - जे काँग्रेसचे नेते लोकांमध्ये राहतील आणि त्यांच्यासाठी लढतील, त्यांनाच पुढील वर्षी होणाऱ्या विधानसभा निवडणुकीत तिकीट मिळेल. राज्यातील नेत्यांनी त्यांच्या तक्रारी प्रसारमाध्यमांसमोर न मांडू नयेत, असा सल्ला काँग्रेसचे माजी अध्यक्ष राहुल गांधी यांनी ( Rahul Gandhi advised to congress leaders )काँग्रेस नेत्यांना दिला. ते तेलंगाणा दौऱ्यावर आले असताना हैदराबादमधील काँग्रेस भवनमध्ये ( Rahul Gandhi Hyderabad visit ) बोलत होते. आपापल्या मतदारसंघात जाऊन नेत्यांना काम करण्याचे आवाहनही राहुल गांधी यांनी केले.
दोन दिवसांच्या तेलंगणा दौऱ्याच्या दुसऱ्या दिवशी, राहुल गांधी यांनी हैदराबादमधील पक्षाच्या राज्य मुख्यालय गांधी भवन येथे तेलंगणा प्रदेश काँग्रेस कमिटीच्या ( Telangana Pradesh Congress Committee ) बैठकीला काँग्रेस नेत्यांना संबोधित केले.आगामी निवडणुकीत टीआरएस आणि काँग्रेस ( TRS vs Congress fight ) यांच्यात थेट लढत होणार आहे. हे सांगून त्यांनी गुणवत्तेच्या आधारावरच तिकीट ( congress leaders ticket in election ) दिले जाईल, असे स्पष्ट केले.
आमचा पक्ष एक कुटुंब -काँग्रेसचे माजी अध्यक्ष राहुल गांधी म्हणाले, की 'गुणवत्तेच्या आधारावर तिकीट दिले जाईल. तिकीट मिळेल म्हणून कोणीही भ्रमात राहू नये. शेतकरी, मजूर, छोटे व्यापारी आणि तरुणांसाठी लढणाऱ्या आणि लोकांमध्ये राहणाऱ्यांना गुणवत्तेच्या आधारे तिकीट मिळणार आहे. आमचा पक्ष एक कुटुंब आहे. त्याच्याशी भेदभाव केला जात आहे असे वाटू नये. तुम्हाला तुमच्या कामाचे फळ मिळेल. तुम्ही कितीही ज्येष्ठ नेते असलात आणि पक्षात कितीही वर्षे घालवलीत, हे केले नाही तर तिकीट मिळणार नाही.
तुम्हाला हैदराबाद सोडून गावांमध्ये राहावे लागेल- 'हैदराबादमध्ये बसलात तर तिकीट मिळणार नाही. दिल्लीत येऊ नका, उलटे होते. मतदारसंघात आणि गावागावात जा, रस्त्यावर उतरून कामाला लागा. मला माहित आहे की तुम्हाला हैदराबादमध्ये बिर्याणी आणि चहा चांगला मिळतो. पण तुम्हाला हैदराबाद सोडून गावांमध्ये राहावे लागेल. शुक्रवारच्या जाहीर सभेत मंजूर झालेला वारंगळ जाहीरनामा हा काँग्रेस नेत्यांसाठी पहिला मैलाचा दगड असल्याचे त्यांनी सांगितले. वारंगळ घोषणेची माहिती राज्यातील प्रत्येक नागरिक आणि प्रत्येक शेतकऱ्याला देणे हे त्यांचे पहिले काम आहे.
तक्रारी सार्वजनिक करू नका- जाहीरनाम्यात पक्षाने तेलंगणातील शेतकऱ्यांना अनेक आश्वासने दिली आहेत. "ही केवळ घोषणा नसून काँग्रेस पक्ष आणि तेलंगणातील शेतकरी यांच्यातील भागीदारी आहे. ही काँग्रेस पक्षाची हमी आहे. राहुल म्हणाले की, येत्या एक महिन्यात काँग्रेसच्या सर्व नेत्यांनी आपापल्या मतदारसंघात आणि भागातील प्रत्येक व्यक्तीला वारंगळ जाहीरनामा सविस्तरपणे सांगावा. काँग्रेस एक कुटुंब असल्याचे सांगून राहुल गांधी यांनी नेत्यांना त्यांच्या तक्रारी सार्वजनिक करू नका, असा इशारा दिला. 'हे एक कुटुंब आहे. मते भिन्न असू शकतात. हे आरएसएस सारखे कुटुंब नाही, जिथे एक माणूस सर्व निर्णय घेतो.
जनतेएवढे कोणीही ताकदवान नाही- जर काही तक्रार असेल तर आमच्याकडे अंतर्गत यंत्रणा आहे. तुम्हाला जे काही बोलायचे आहे ते तुम्ही उघडपणे सांगू शकता. पण कोणी बाहेर जाऊन मीडियाला काही सांगितले तर काँग्रेस पक्षाचे नुकसान होईल. आम्ही ते मान्य करणार नाही. वारंगळची जाहीर सभा अतिशय यशस्वी झाल्याचे सांगून ते म्हणाले की, पक्षाने घेतलेल्या मेहनतीचे हे फळ असल्याचे सांगत अभिनंदन केले. मुख्यमंत्री के. चंद्रशेखर राव, (केसीआर म्हणून प्रसिद्ध) यांनी तेलंगणा लुटल्याचा त्यांनी आरोप केला. टीआरएस नेत्याकडे पैशांची कमतरता नाही. त्यांच्याकडे पोलीस आणि आस्थापनाही आहेत. पण लोक त्यांच्या पाठीशी नाहीत. लोकांपेक्षा ताकदवान काहीही नाही. काँग्रेस खासदार राहुल गांधी म्हणाले की, तेलंगणाला एक आदर्श राज्य बनवायचे आहे. हे स्वप्न साकार करायचे आहे.
टीआरएस आणि केसीआरला हटवण्याची जबाबदारी काँग्रेसची- आम्हाला काही निवडक लोकांचे आणि मक्तेदारांचे सरकार बनवायचे नाही, तर आम्हाला या राज्यातील शेतकरी, गरीब आणि प्रत्येक नागरिकांचे सरकार बनवायचे आहे. शिक्षण, आरोग्य आणि रोजगारावर लक्ष केंद्रित करायचे आहे. हे आमचे ध्येय आणि स्वप्न असून ही गरज पूर्ण करण्यासाठी पक्षात एकजूट हवी. काँग्रेस पक्षाबाहेरही काँग्रेसच्या विचारधारेवर विश्वास ठेवणारे अनेक तरुण, नेते आणि जुने कार्यकर्ते असल्याचेही ते म्हणाले. तेलंगणातून टीआरएस आणि केसीआरला हटवण्याची जबाबदारी काँग्रेसचीच आहे, पण तेलंगणातील तरुणांचीही जबाबदारी आहे, असे राहुल गांधी म्हणाले.
