चंदिगड/नवी दिल्ली - कॅप्टन अमरिंदरसिंग यांनी राजीनामा दिल्यानंतर पंजाबच्या मुख्यमंत्री पदावर आमदार चरणजीतसिंग चन्नी यांची वर्णी लागली आहे. कॅबिनेट मंत्री और तीन वेळा आमदार असलेले चन्नी हे आज(सोमवारी राज्याचे नवे मुख्यमंत्री म्हणून शपथ घेतील. चन्नी हे पंजाबमधील पहले दलित नेते आहेत ज्यांची मुख्यमंत्री पदावर वर्णी लागली आहे. 58 वर्षीय चन्नी सकाळी 11 वाजता मुख्यमंत्री पदाची शपथ घेणार आहेत. काँग्रेसचे प्रभारी हरीश रावत यांनी चन्नी यांची काँग्रेसचे गटे नेते म्हणून नियुक्ती केल्याची माहिती दिली.
रावत यांनी ट्वीट केले की, चरणजीत सिंग चन्नी यांची एकमताने काँग्रेस विधिमंडळ पक्षाचे नेते म्हणून निवड करण्यात येत आहे. विधीमंडळ पक्षाचे नेते चन्नी निवडून आल्यानंतर, प्रदेश काँग्रेस कमिटीचे अध्यक्ष नवज्योतसिंग सिद्धू आणि प्रदेश प्रभारी हरीश रावत यांनी राजभवन गाठून राज्यपाल बनवारीलाल पुरोहित यांची भेट घेतली आणि सरकार स्थापनेचा दावा केला. राज्यपालांची भेट घेतल्यानंतर चन्नी यांनी पत्रकारांना सांगितले की, राज्यपालांनी सोमवारी सकाळी 11 वाजता शपथविधीसाठी बोलावले आहे.
काँग्रेसचे माजी अध्यक्ष राहुल गांधी, ज्येष्ठ नेते अमरिंदर सिंग, मनीष तिवारी आणि पक्षाच्या अनेक नेत्यांनी चन्नीचे अभिनंदन केले. अमरिंदर सिंग यांनी आशा व्यक्त केली की, ते सीमावर्ती पंजाब आणि लोकांचे संरक्षण करू शकतील. राहुल गांधी यांनी ट्विट केले की, नवीन जबाबदारीसाठी चरणजीत सिंग चन्नी जी यांचे अभिनंदन. आपल्याला पंजाबच्या जनतेला दिलेली आश्वासने पूर्ण करणे सुरू ठेवावे लागेल. विश्वास सर्वात महत्वाचा आहे, असे राहुल यांनी आपल्या ट्विटमध्ये म्हटले आहे. तत्पूर्वी पंजाब काँग्रेसचे ज्येष्ठ नेते सुखजिंदरसिंग रंधावा यांच्या नावाची चर्चा मुख्यमंत्रीपदाच्या शर्यतीत आघाडीवर होते, अशी चर्चा होती, मात्र काँग्रेस हायकमांडने चन्नी यांच्या नावावर शिक्कामोर्तब केले.
दोन उपमुख्यंत्री-
सूत्रांचे म्हणणे आहे की, प्रदेश काँग्रेस कमिटीचे अध्यक्ष नवज्योतसिंग सिद्धू यांनी चन्नी यांच्या नावाची जोरदार बाजू मांडली आणि त्यानंतर राहुल गांधी यांनी सोनिया गांधी आणि दिल्लीतील वरिष्ठ नेत्यांशी दीर्घ सल्लामसलत केल्यानंतर चन्नी यांच्या नावाला मंजुरी दिली. काँग्रेसच्या सूत्रांनी सांगितले की, चन्नी यांच्या नेतृत्वाखालील सरकारमध्ये दोन उपमुख्यमंत्रीही असू शकतात. एक उपमुख्यमंत्री हिंदू असेल तर दुसरा उपमुख्यमंत्री जाट शीख समाजातील असेल. चन्नी दलित शीख (रामदासिया शीख) समाजातून येतात आणि ते कॅप्टन अमरिंदर यांच्या सरकारमध्ये तंत्रशिक्षण मंत्री होते. ते रूपनगर जिल्ह्यातील चमकौर साहिब विधानसभा मतदारसंघातून आमदार आहेत. 2007 मध्ये ते प्रथमच या मतदारसंघातून आमदार झाले आणि त्यानंतर त्यांनी सलग विजय नोंदविला.
शिरोमणी अकाली दल-भाजप युती सरकारच्या काळात ते 2015-16 मध्ये विधानसभेतील विरोधी पक्षनेते होते. विधानसभा निवडणुकीच्या काही महिन्यांपूर्वी चन्नी यांना मुख्यमंत्री बनवून काँग्रेस सामाजिक समीकरण संतुलित करण्याचा प्रयत्न करत आहे. राज्यात दलितांची लोकसंख्या 30 टक्क्यांहून अधिक आहे. काँग्रेसची ही खेळी या अर्थाने महत्त्वपूर्ण आहे की, भाजपने पूर्वी सांगितले होते की पंजाबमध्ये सरकार स्थापन झाल्यास दलिताला मुख्यमंत्री बनवले जाईल. बसपाशी युती असलेल्या शिरोमणी अकाली दलाने दलित उपमुख्यमंत्री करण्याचे आश्वासन दिले आहे. आम आदमी पार्टी देखील दलित समाजाला आकर्षित करण्याचा सतत प्रयत्न करत आहे.
अमरिंदर सिंग यांनी शनिवारी मुख्यमंत्रिपदाचा राजीनामा दिला आणि सांगितले की, वारंवार आमदारांची बैठक बोलावून त्यांना अपमानित वाटले, त्यानंतर त्यांनी हे पाऊल उचलले. राजीनामा देण्यापूर्वी अमरिंदर सिंग यांनी काँग्रेस अध्यक्षा सोनिया गांधी यांना पत्र लिहून अलीकडील राजकीय घडामोडींवर दुःख व्यक्त केले आणि चिंता व्यक्त केली की, या घडामोडींमुळे राज्यात अस्थिरता निर्माण होऊ शकते.
हेही वाचा - पंजाबच्या मुख्यमंत्रिपदाचा राजीनामा दिल्यानंतर अमरिंदर सिंग म्हणाले,...
हेही वाचा - 'पंच प्यारे' विधानावरून हरीश रावत वादाच्या भोवऱ्यात; वाचा काय प्रकरण...
हेही वाचा - पोलिसांच्या विनंतीनंतर सोमैया कराडमध्येच उतरले; राष्ट्रवादी-भाजप संघर्ष टळला
