नवी दिल्ली : भारताची माजी अव्वल धावपटू ‘पायोली एक्सप्रेस’ पी. टी. उषा भारतीय ऑलिम्पिक संघटनेची (IOA) पहिली महिला अध्यक्ष होणार आहे. भारतीय ऑलिम्पिक संघटनेच्या (IOA) अध्यक्षपदी ऑलिम्पियन पीटी उषा यांची बिनविरोध निवड झाली आहे. आयओएच्या ९५ वर्षांच्या इतिहासात प्रथमच एक महिला अध्यक्ष बनली आहे. 10 डिसेंबर रोजी होणाऱ्या निवडणुकीत त्या एकमेव उमेदवार आहेत, मात्र निवडणुकीपूर्वीच तिच्या नावावर सर्वांचे एकमत झाले आहे. 1984 ऑलिम्पिकमध्ये 400 मीटर अडथळा शर्यतीच्या अंतिम फेरीत 58 वर्षीय उषा, अनेक आशियाई क्रीडा स्पर्धांमध्ये सुवर्णपदक विजेती असून ती चौथ्या स्थानावर राहिली होती. ( PT Usha Set To Be Elected Unopposed As Ioa President )
२४ उमेदवारांनी केले अर्ज दाखल : त्यांनी रविवारी सर्वोच्च पदासाठी उमेदवारी अर्ज दाखल केला होता. त्यांच्यासह त्यांच्या संघातील अन्य १४ जणांनी विविध पदांसाठी उमेदवारी अर्ज दाखल केले आहेत. आयओए निवडणुकीसाठी उमेदवारी अर्ज भरण्याची मुदत रविवारी संपली. आयओएचे निवडणूक अधिकारी उमेश सिन्हा यांना शुक्रवार आणि शनिवारी एकही नामांकन मिळाले नाही, मात्र रविवारी विविध पदांसाठी २४ उमेदवारांनी अर्ज दाखल केले.
बारा उमेदवार रिंगणात : या निवडणुकांमध्ये उपाध्यक्ष (महिला), सहसचिव (महिला) या पदांसाठी स्पर्धा होणार आहे. कार्यकारिणीच्या चार सदस्यांसाठी बारा उमेदवार रिंगणात आहेत. IOA मध्ये एक अध्यक्ष, एक वरिष्ठ उपाध्यक्ष, दोन उपाध्यक्ष (एक पुरुष आणि एक महिला), एक कोषाध्यक्ष, दोन सहसचिव (एक पुरुष आणि एक महिला), इतर सहा कार्यकारी परिषद सदस्य निवडणुकीसाठी असतील. त्यापैकी दोन (एक पुरुष आणि एक महिला) निवडून आलेल्या 'SOM' मधून असतील. कार्यकारी परिषदेचे दोन सदस्य (एक पुरुष आणि एक महिला) खेळाडू आयोगाचे प्रतिनिधी असतील.
