G20 Summit in Bali: इंडोनेशियातील बाली येथे पंतप्रधान मोदींचे जोरदार स्वागत!

पंतप्रधान नरेंद्र मोदी आज सोमवार (दि. 14 नोव्हेंबह)रोजी G20 शिखर परिषदेच्या पार्श्वभूमीवर जागतिक नेत्यांसोबतच्या द्विपक्षीय बैठकांना उपस्थित राहण्यासाठी बाली येथे पोहोचले आहेत. पंतप्रधान नरेंद्र मोदी यांचे बाली येथे आगमन होताच त्यांचे पारंपरिक पद्धतीने स्वागत करण्यात आले. दोन दिवसीय G20 शिखर परिषद मंगळवारपासून सुरू होत आहे. अमेरिकेचे अध्यक्ष जो बायडेन, यूकेचे पंतप्रधान ऋषी सुनक यांच्यासह जगातील 20 प्रमुख अर्थव्यवस्थांचे नेते या परिषदेला उपस्थित राहणार आहेत.

नवी दिल्ली - पंतप्रधान कार्यालयाकडून मिळालेल्या माहितीनुसार नरेंद्र मोदी बाली येथे G20 गटातील नेत्यांशी जागतिक आर्थिक विकासाचे पुनरुज्जीवन करण्यासाठी, अन्न आणि ऊर्जा सुरक्षा सुनिश्चित करण्यासाठी आणि आरोग्य आणि डिजिटल परिवर्तनाशी संबंधित समस्यांचे निराकरण करण्यासाठी विस्तृत चर्चा करतील. G20 शिखर परिषदेत सहभागी होण्यासाठी बालीला रवाना होण्यापूर्वी पंतप्रधानांनी एका निवेदनात म्हटले आहे, की ते जागतिक आव्हानांना एकत्रितपणे सामोरे जाण्यासाठी भारताच्या उपलब्धी आणि "मजबूत वचनबद्धता" देखील अधोरेखित करतील. बाली शिखर परिषदेदरम्यान, जागतिक आर्थिक वाढ, अन्न आणि ऊर्जा सुरक्षा, पर्यावरण, आरोग्य आणि डिजिटल परिवर्तन यासारख्या जागतिक चिंतेच्या महत्त्वाच्या मुद्द्यांवर मी G20 देशांच्या नेत्यांशी विस्तृत चर्चा करेन असही ते म्हणाले आहेत.

• #WATCH | Prime Minister Narendra Modi met people as he received a warm welcome in Bali, Indonesia. PM will attend the 17th #G20Summit in Bali.
  
  (Source: DD) pic.twitter.com/Vaq1SI4Qcn

  — ANI (@ANI) November 14, 2022 " class="align-text-top noRightClick twitterSection" data="

  #WATCH | Prime Minister Narendra Modi met people as he received a warm welcome in Bali, Indonesia. PM will attend the 17th #G20Summit in Bali.
  
  (Source: DD) pic.twitter.com/Vaq1SI4Qcn

  — ANI (@ANI) November 14, 2022

  ">

  #WATCH | Prime Minister Narendra Modi met people as he received a warm welcome in Bali, Indonesia. PM will attend the 17th #G20Summit in Bali.
  
  (Source: DD) pic.twitter.com/Vaq1SI4Qcn

  — ANI (@ANI) November 14, 2022

चीनचे राष्ट्राध्यक्ष शी जिनपिंग, अमेरिकेचे अध्यक्ष बायडेन, ब्रिटनचे पंतप्रधान सुनक आणि फ्रान्सचे राष्ट्राध्यक्ष इमॅन्युएल मॅक्रॉन हे देखील या परिषदेला उपस्थित राहणार आहेत. G20 शिखर परिषदेच्या पार्श्‍वभूमीवर ते इतर अनेक सहभागी देशांच्या नेत्यांना भेटतील आणि त्यांच्यासोबत भारताच्या द्विपक्षीय संबंधांमधील प्रगतीचा आढावा घेणार असल्याचे मोदींनी सांगितले आहे. दरम्यान, जी-20 शिखर परिषदेच्या पार्श्‍वभूमीवर मोदींची अनेक नेत्यांसोबत स्वतंत्र द्विपक्षीय बैठका होणार आहेत. परंतु, मोदी आणि जिनपिंग यांच्यात स्वतंत्र बैठक होणार की नाही हे अद्याप स्पष्ट झालेले नाही. मोदी आणि जिनपिंग यांची भेट झाली तर, जून 2020 मध्ये गलवान व्हॅलीमध्ये भारतीय आणि चिनी सैनिकांमध्ये सीमेवर झालेल्या संघर्षानंतर दोन्ही नेत्यांमधील ही पहिलाच समोरासमोर संवाद असेल. सप्टेंबरमध्ये समरकंद, उझबेकिस्तान येथे झालेल्या शांघाय कोऑपरेशन ऑर्गनायझेशन (SCO) शिखर परिषदेत दोघांची भेट झाली नाही.

ANI Tweet

ANI Tweet

बीजिंगमध्ये, चीनच्या परराष्ट्र मंत्रालयाचे प्रवक्ते माओ निंग म्हणाले की, चांगले संबंध राखणे हे चीन आणि भारत आणि त्यांच्या लोकांच्या मूलभूत हिताचे आहे. माओ निंग म्हणाले की, "आम्हाला आशा आहे की भारत चीनसोबत त्याच दिशेने काम करेल, चीन आणि भारतीय नेत्यांमधील महत्त्वाच्या सामाईक समंजसपणाचे पालन करेल, संबंधांच्या शाश्वत विकासाला चालना देईल आणि दोन्ही देश आणि सहकारी विकसनशील देशांमधील सहकार्याला प्रोत्साहन देईल. तसेच, "सामान्य हितसंबंधांचे रक्षण करेल असही ते म्हणाले आहेत.

• #WATCH | Prime Minister Narendra Modi receives a warm welcome from Indians in Bali, Indonesia. pic.twitter.com/wKSlqoO8rT

  — ANI (@ANI) November 14, 2022 " class="align-text-top noRightClick twitterSection" data="

  #WATCH | Prime Minister Narendra Modi receives a warm welcome from Indians in Bali, Indonesia. pic.twitter.com/wKSlqoO8rT

  — ANI (@ANI) November 14, 2022

  ">

  #WATCH | Prime Minister Narendra Modi receives a warm welcome from Indians in Bali, Indonesia. pic.twitter.com/wKSlqoO8rT

  — ANI (@ANI) November 14, 2022

G20 ही जागतिक आर्थिक सहकार्यासाठी प्रभावी संघटना आहे. हे जागतिक सकल देशांतर्गत उत्पादनाच्या (जीडीपी) सुमारे 85 टक्के, जागतिक व्यापाराच्या 75 टक्क्यांहून अधिक आणि जगाच्या लोकसंख्येच्या सुमारे दोन तृतीयांश भागाचे प्रतिनिधित्व करते. इंडोनेशिया सध्या G20 चे अध्यक्ष आहे. १ डिसेंबरपासून भारत औपचारिकपणे G20 चे अध्यक्षपद स्वीकारणार आहे. G-20 गट हा जगातील प्रमुख विकसित आणि विकसनशील अर्थव्यवस्थांचा एक आंतरशासकीय मंच आहे. यामध्ये अर्जेंटिना, ऑस्ट्रेलिया, ब्राझील, कॅनडा, चीन, फ्रान्स, जर्मनी, भारत, इंडोनेशिया, इटली, जपान, दक्षिण कोरिया, मेक्सिको, रशिया, सौदी अरेबिया, दक्षिण आफ्रिका, तुर्की, यूके, यूएस आणि युरोपियन युनियन (EU) यांचा समावेश आहे.