दिल्ली : तमिळनाडूतील एका मुस्लिम जोडप्याने तिरुमला श्रीवरा यांना मोठी देणगी दिली ( chennai muslim family donation to tirumala ). चेन्नई, तामिळनाडू येथील सुबिना बानू आणि अब्दुल गनी या जोडप्याने त्यांच्या मुलांसह मंगळवारी 1.02 कोटी रुपयांची देणगी ( Muslim Couple Donates to TTD ) दिली. देणगीदारांनी मंदिरातील रंगनायकुला मंडपम येथे तिरुमला तिरुपती देवस्थानम (Tirumala Tirupati Devasthanam ) EO AV धर्मा रेड्डी यांना देणगीचा धनादेश सुपूर्द केला.
15 लाख रुपये एसव्ही अन्नप्रसादम ट्रस्टला : दिलेल्या रक्कमेपेकी 15 लाख रुपये एसव्ही अन्नप्रसादम ट्रस्टला आणि 87 लाख रुपये तिरुमला येथील नुकत्याच आधुनिकीकरण केलेल्या श्रीपद्मावती विश्रामगृहात नवीन फर्निचर आणि स्वयंपाकघरातील भांडीसाठी दान करण्यात आले. तत्पूर्वी त्यांनी प्रभूंचे दर्शन घेऊन त्यांना आदरांजली वाहिली.
या आधीही केले होते दान : बालाजी मंदिर म्हणून ओळखल्या जाणाऱ्या मंदिराला अब्दुल गनी या व्यावसायिकाने देणगी देण्याची ही पहिलीच वेळ नाही.2020 मध्ये, त्यांनी कोविड-19 महामारीच्या काळात मंदिराच्या आवारात जंतुनाशक फवारण्यासाठी बहु-आयामी ट्रॅक्टर-माउंट स्प्रेअर दान केले. यापूर्वी त्यांनी भाजीपाला वाहतूक करण्यासाठी ३५ लाख रुपयांचा रेफ्रिजरेटर ट्रक मंदिराला दान केला होता.
मुकेश अंबानी यांनी धर्मा रेड्डी यांना डिमांड ड्राफ्ट केला सुपूर्द : याआधी शुक्रवारी रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी यांनी तिरुमला मंदिराला 1.5 कोटी रुपयांची देणगी दिली. आंध्र प्रदेशातील प्रसिद्ध टेकडी मंदिरात प्रार्थना केल्यानंतर, अंबानी यांनी तिरुमला येथील रंगनायकुला मंडपम येथे तिरुमला तिरुपती देवस्थानम EO AV धर्मा रेड्डी यांना डिमांड ड्राफ्ट सुपूर्द केला. उद्योगपतीने दर्शन घेतले व मंदिराच्या पुजाऱ्यांनी केलेल्या विधीत सहभागी झाले. अब्जाधीशांनी तिरुमला येथील एसव्ही गोशाळेलाही भेट दिली. आंध्र प्रदेशचे खासदार श्री गुरुमूर्ती, श्री विजयसाई रेड्डी आणि चंद्रगिरीचे आमदार श्री सी भास्कर रेड्डी हे देखील उपस्थित होते.
