त्रिशूर: फिफा विश्वचषक 2022 (FIFA World Cup 2022) अर्जेंटिना आणि सौदी अरेबिया यांच्यात कतारमधील लुसेल स्टेडियममध्ये चुरशीचा सामना झाला. येथील चालकुडी म्युनिसिपल स्टेडियमवर मोठ्या स्क्रीनवर हा सामना पाहिला जात होता. सामन्यादरम्यान अर्जेंटिनाचा स्टार खेळाडू लिओनेल मेस्सीने गोल केल्यावर त्याचे चाहते शनीर आणि फातिमाने आनंदाने उड्या मारल्या. या जोडप्याने त्यांच्या 28 दिवसांच्या मुलाचे नाव इडेन मेस्सी ठेवले आहे. (Kerala couple named their son Messi).
अर्जेंटिना-सौदी सामना स्टेडियमच्या मोठ्या स्क्रीनवर लाइव्ह पाहणारे प्रत्येकजण आश्चर्यचकित झाला जेव्हा शनीर आणि फातिमा यांनी त्यांच्या नवजात मुलाचे नाव ठेवले. अर्जेंटिनाच्या चाहत्यांच्या टाळ्यांच्या कडकडाटात या जोडप्याने बाळाचे नाव 'ईडन मेस्सी' ठेवले. नामकरण समारंभ साजरा करण्यासाठी या जोडप्याने अर्जेंटिनाच्या जर्सीच्या रंगात केक देखील कापला आणि स्टेडियममधील अर्जेंटिनाच्या इतर चाहत्यांसह तो शेअर केला.
