अहमदाबाद : पंतप्रधान नरेंद्र मोदी ( Prime Minister Narendra Modi ) यांनी गुजरातमधील गांधीनगरमध्ये भाजपच्या महापौर आणि उपमहापौरांना व्हिडिओ कॉन्फरन्सिंगद्वारे संबोधित केले. यावेळी पंतप्रधान मोदींनी महापौरांना प्रोत्साहन दिले आणि म्हणाले की, तुम्ही तुमच्या शहरात असे काम करा की येणाऱ्या पिढ्यांना तुमची आठवण येईल.
पक्षाचा उद्देश स्पष्ट करताना पंतप्रधान नरेंद्र मोदी ( Prime Minister Narendra Modi ) महापौरांना म्हणाले, आमचे काम जनतेची सेवा करणे आहे आणि सत्ता हे त्याचे माध्यम आहे. आम्ही राजकारणात सिंहासनावर बसण्यासाठी आलो नाही, सत्तेत बसण्यासाठी आलो नाही, सत्ता हे आमच्यासाठी जनतेच्या सेवेचे माध्यम आहे. ते पुढे म्हणाले, 'सबका साथ, सबका विकास, सबका विश्वास आणि सबका प्रयास'. भाजपने स्वीकारलेला हा वैचारिक पॅटर्न हेच आमचे मॉडेल इतरांपेक्षा वेगळे आहे.
तळागाळात काम झाले पाहिजे - पंतप्रधान नरेंद्र मोदी ( Prime Minister Narendra Modi ) पुढे म्हणाले, देशातील जनतेचा भाजपवर विश्वास आहे. जमिनीच्या पातळीवरून काम करणे ही सर्व महापौरांची जबाबदारी आहे. चांगल्या सुविधा दिल्या पाहिजेत आणि विकासाचे नियोजन केले पाहिजे. यावेळी पीएम मोदींनी सरदार वल्लभभाई पटेल यांचाही उल्लेख केला आणि म्हणाले, सरदार पटेल यांनी महापौर म्हणून प्रवास सुरू केला. चांगल्या भारतासाठी आम्ही त्यांनी दाखविलेल्या मार्गावर जाऊ आणि त्याच्या विकासासाठी काम करू. त्यांनी सर्व महापौरांना सबका साथ, सबका विकास आणि सबका प्रयास पाळण्यास सांगितले.
छोट्या विक्रेत्यांना डिजिटल पेमेंटसाठी प्रोत्साहन द्या - पंतप्रधान नरेंद्र मोदी ( Prime Minister Narendra Modi ) पुढे म्हणाले की टियर 2 आणि टियर 3 शहरे आता आर्थिक क्रियाकलापांचे केंद्र बनत आहेत. आपण त्या भागात उद्योग समूह विकसित करण्यावर भर दिला पाहिजे. छोट्या विक्रेत्यांना डिजिटल पेमेंट वापरण्याचे प्रशिक्षण दिले पाहिजे. यासाठी महापौरांनी पुढाकार घ्यावा.
