पानीपत - शहरातील स्पिनिंग मिलमध्ये मंगळवारी आग लागल्याने खळबळ उडाली. या भीषण आगीत संपूर्ण मिल जळून खाक झाली. आगीवर नियंत्रण मिळवण्यासाठी तात्काळ अग्निशमन दलाच्या जवानांना पाचारण करण्यात आले. मात्र अरुंद रस्त्यांमुळे अग्निशमन दलाच्या गाड्यांना घटनास्थळी पोहोचण्यात मोठी अडचण झाली. अग्निशमन दलाच्या जवानांनी मोठ्या प्रयत्नाने आगीवर नियंत्रण मिळवले. दरम्यान या आगीवर नियंत्रण मिळवताना तिरंगा झेंडा काढतानाचा जवानांचा व्हिडिओ समोर आला आहे. या व्हिडिओमुळे नागरिकांची छाती अभिमानाने भरुन येत आहे.
तिरंग्यासाठी जवानाने लावली बाजी : या मिलच्या इमारतीवर भारताचा तिरंगा डौलाने फडकत होता. मात्र इमारतीला आग लागल्यामुळे झेंड्याला बाधा पोहोचली असती. आग हळूहळू सगळ्या इमारतीत पसरली होती. अग्निशमन दलाचा जवान सुनिल जीवाची बाजी लावत आगीने घेरलेल्या इमारतीवर चढले. यावेळी त्यांनी तिरंगा झेंडा सुरतक्षितपणे उतरवला. तिरंगा झेंडा उतरवतानाचा त्यांचा हा व्हिडिओ आता सोशल माध्यमात चांगलाच व्हायरल होत आहे.
डिझेल मशीनमुळे लागली आग : पानीपतच्या भारतनगरमध्ये असलेल्या स्पिनींग मिलमध्ये डिझेल मशीनमुळे आग लागली. या आगीने काही क्षणातच रौद्ररुप धारण केले. त्यामुळे पाहता पाहता पूर्ण मिल जळून खाक झाली. अग्निशमन दलाच्या गाड्यांना येण्यात अडचण असल्याने जवानांना चांगलीच कसरत करावी लागली. मात्र तरीही जीवाची बाजी लावत जवानांनी आगीवर नियंत्रण मिळवले.
इमारतीजवळ लावली अग्निशमन दलाची गाडी : अग्निशमन दलाचे जवान आगीवर नियंत्रण मिळवत असताना सुनिल यांची नजर इमारतीवर लावलेल्या राष्ट्रीय ध्वजावर पडली. त्यांनी तात्काळ अग्निशमन दलाची गाडी इमारतीच्या जवळ लावली. यावेळी ही इमारत आगीने घेरलेली होती. मात्र तरीही सुनिल यांनी जीवाची बाजी लावत ते इमारतीवर चढले. त्यांनी इमारतीवर चढून तिरंगा ध्वज उतरवला. त्यांचा हा तिरंगा उतरवतानाचा व्हिडिओ आता सोशल माध्यमात व्हायरल होत आहे.
देशाचा मान सन्मान तिरंगा : इमारतीला लागलेल्या आगीमुळे तिरंगा ध्वज बाधित झाला असता. त्यामुळे अग्निशमन दलाचे जवान सुनिल यांनी इमारतीवर चढत सन्मानाने तिरंगा ध्वज खाली उतरवला. त्यांना याबाबत विचारले असता, आम्ही पोलीस आणि सैनिकासारखीच नागरिकांच्या सुरक्षेची शपथ घेतो. ती शपथ पूर्ण करण्यासाठी मी सतत प्रयत्न करत असतो. देशाचा मान सन्मान तिरंगा ध्वज आहे. त्यामुळे तिरंग्यासाठी आम्ही आमच्या प्राणाची बाजी लावण्यास कदीही तत्पर असल्याचे जवान सुनिल यांनी यावेळी सांगितले. त्यामुळेच मी तिरंगा ध्वज सन्माने उतरवल्याचे त्यांनी यावेळी सांगितले.
हेही वाचा - Bus Fire In Nashik : चालती बस पेटली; चालकाच्या सतर्कतेमुळे वाचले 35 प्रवाशांचे प्राण
