मुख्यमंत्री आज सांगली दौऱ्यावर : टॉप न्यूज, वाचा एका क्लिकवर

काल आणि आजच्या महत्त्वाच्या बातम्यांसाठी येथे क्लिक करा. आजच्या बातम्या, ज्यांच्यावर आपली नजर असेल आणि कालच्या महत्त्वाच्या बातम्या, ज्यांच्याबाबत तुम्हाला माहिती घ्यायला नक्की आवडेल.

• आज दिवसभरात/आजपासून -

सांगली जिल्ह्यातील पूरग्रस्त भागाची आज मुख्यमंत्री करणार पाहणी

सांगली - मुख्यमंत्री उद्धव ठाकरे आज सांगलीतील पूरग्रस्त भागाची पाहणी करणार आहेत. पश्चिम महाराष्ट्रात पुराचा फटका कोल्हापूर, सांगली, सातारा या भागाला बसला आहे. याआधी मुख्यमंत्री उद्धव ठाकरे यांनी कोल्हापूरमधील पूरग्रस्त भागाची पाहणी केली होती. आज (2 ऑगस्ट) मुख्यमंत्री सांगलीतील पूरस्थितीची पाहणी करणार आहेत. अद्याप राज्य सरकारकडून पूरग्रस्तांसाठी मदतीची घोषणा झालेली नाही. त्यामुळे सांगली दौऱ्यानंतर मुख्यमंत्री पूरग्रस्तांसाठी मदतीची घोषणा करणार का? याकडे सगळ्यांचं लक्ष असणार आहे.

राज कुंद्राच्या जामिन अर्जावर आज मुंबई उच्च न्यायालयात सुनावणी

मुंबई : बॉलिवूडमधील प्रख्यात अभिनेत्री शिल्पा शेट्टीचा नवरा आणि उद्योजक राज कुंद्रा याला अश्लिल व्हिडिओ बनवणे आणि ते इंटरनेटवर अपलोड केल्या प्रकरणी अटक झाली आहे. राजला २७ जुलैपर्यंत पोलीस कोठडी सुनावण्यात आली आहे. परंतु राजची अटक बेकायदा असल्याचे सांगत त्याच्या वकिलांनी मुंबई उच्च न्यायालयात जामिनासाठी अर्ज दाखल केला आहे. यावर सोमवारी उच्च न्यायालयात सुनावणी होणार आहे.

मुख्यमंत्री उद्धव ठाकरे यांची आज टास्क फोर्स टीमसोबत बैठक

मुंबई - मुख्यमंत्री उद्धव ठाकरे यांची आज टास्क फोर्स टीमसोबत बैठक होणार आहे. या बैठकीनंतर राज्यातील लॉकडाऊन शिथिल करण्याबाबत निर्णय घेतला जाणार आहे.

छत्तीसगडमध्ये आजपासून 10 वी आणि 12 वी चे वर्ग होणार सुरू

छत्तीसगड - राज्यात आजपासून 10 वी आणि 12 वी चे वर्ग सुरू करण्यात येणार आहेत. मागील अनेक महिन्यांपासून कोरोनाच्या पार्श्वभूमीवर शाळा बंद होत्या. त्या आता टप्प्यााटप्प्याने उघडत आहेत.

• कालच्या टॉप न्यूज -

..अन्यथा 15 ऑगस्टपासून MPSC च्या विद्यार्थ्यांना घेऊन राज्यव्यापी आंदोलन - सदाभाऊ खोत

सांगली - 15 ऑगस्टपर्यंत MPSC च्या परीक्षा जाहीर करा, ज्या विद्यार्थ्यांनी परीक्षा दिल्या आहेत, अशांना नियुक्ती पत्र द्या आणि आयोगावरील सदस्य नेमा, अन्यथा महाविकास आघाडी सरकारविरोधात राज्यातील MPSC विद्यार्थ्यांना घेऊन राज्यव्यापी आंदोलन करू, असा इशारा माजी मंत्री व आमदार सदाभाऊ खोत यांनी दिला आहे. ते इस्लामपूरमध्ये बोलत होते.

सांगली जिल्ह्यातील पूरग्रस्त भागाची आज मुख्यमंत्री करणार पाहणी; मदतीच्या घोषणेकडे लक्ष

सांगली - मुख्यमंत्री उद्धव ठाकरे आज सांगलीतील पूरग्रस्त भागाची पाहणी करणार आहेत. पश्चिम महाराष्ट्रात पुराचा फटका कोल्हापूर, सांगली, सातारा या भागाला बसला आहे. याआधी मुख्यमंत्री उद्धव ठाकरे यांनी कोल्हापूरमधील पूरग्रस्त भागाची पाहणी केली होती. आज (2 ऑगस्ट) मुख्यमंत्री सांगलीतील पूरस्थितीची पाहणी करणार आहेत.

संतापजनक! नागपुरात एकाच रात्रीत अल्पवयीन गतिमंत मुलीवर दोनवेळा बलात्कार

नागपूर - क्राईम कॅपिटल उपराजधानी नागपुरात महिला सुरक्षित नसल्याचे पुन्हा एकदा समोर आले आहे. नागपुरात एकाच रात्री सहा नराधमांनी 17 वर्षीय गतिमंद मुलीवर आळीपाळीने बलात्कार केल्याची संतापजनक घटना उघडकीस आली. ही घटना गुरुवारच्या(29 जुलै) रात्री ते शुक्रवारच्या (30जुलै) पहाटे घडली. दोन वेगवेगळ्या ठिकाणी नराधमांनी मदतीच्या नावाखाली तिच्यावर बलात्कार केला. सीताबर्डी पोलिसांनी गुन्हा दाखल केला असून, चार संशयितांना ताब्यात घेतले आहे. आणखी दोघांचा शोध सुरू आहे.

Tokyo Olympics : चक दे इंडिया! ग्रेट ब्रिटनचा धुव्वा उडवत भारतीय पुरूष हॉकी संघ उपांत्य फेरीत

टोकियो - भारतीय पुरूष हॉकी संघाने टोकियो ऑलिम्पिकमध्ये इतिहास रचला. तब्बल चार दशकानंतर भारतीय संघ उपांत्य फेरीत पोहोचला आहे. भारताने आज उपांत्यपूर्व फेरीच्या सामन्यात बलाढ्य ग्रेट ब्रिटनचा 3-1 ने पराभव करत ही किमया साधली. दरम्यान, भारतीय संघ सुवर्णपदकापासून दोन विजय दूर आहे.

Tokyo Olympics : जय हो! भारताला आणखी एक पदक; पी. व्ही. सिंधू कांस्य पदकाची मानकरी

टोकियो - पी. व्ही. सिंधूने टोकियो ऑलिम्पिकमध्ये भारताला तिसरे पदक जिंकून दिले. महिला एकेरीत सिंधूने कांस्य पदकासाठी झालेल्या सामन्यात विजय मिळवला. या सामन्यात सिंधूने चीनच्या बिंग जिआओ हिला 21-13, 21-15 असे नमवलं. दरम्यान, पी. व्ही. सिंधूला उपांत्य फेरीत चीनच्या ताय झू यिंगकडून पराभव पत्कारावा लागला होता. यामुळे तिचे सुवर्ण पदकाचे स्वप्न भंगले होते. सिंधूला टोकियो ऑलिम्पिकमध्ये कांस्य पदकावर समाधान मानावे लागले.

'एमपीएससी’ची रिक्त पदे भरण्याचा मार्ग अखेर मोकळा

मुंबई - महाराष्ट्र लोकसेवा आयोगामार्फत भरण्यात येणाऱ्या राज्य शासनाच्या विविध विभागांतील रिक्त पदांपैकी उपसमितीने परवानगी दिलेल्या रिक्त पदांसह, उच्चस्तरीय सचिव समितीने मंजूर केलेली आकृतिबंधातील पदे भरण्यासाठी विशेष बाब म्हणून परवानगी देण्यात आली आहे.

• पाहा, विशेष मुलाखत -

• Tokyo Olympics Day 11: 2 ऑगस्टचे वेळापत्रक

• अधिक बातम्यांसाठी लॉग इन करा -