पंतप्रधान मोदी खोटे बोलतात, ममतांच्या काळात 'सीपीएम'सारखाच अत्याचार होतोय; राहुल गांधींचा हल्लाबोल
मोदींनी कुठलेच आश्वासन पूर्ण केले नाही. तसेच एकीकडे मोदी खोटे बोलतात तर दुसरीकडे ममता बॅनर्जी खोटी आश्वासने देतात. सीपीएमच्या काळात जे अत्याचार होत होते, तेच आता ममता सरकारच्या काळात होत असल्याचे राहुल म्हणाले. संपूर्ण बंगालला केवळ एक व्यक्ती चालवते. काय संपूर्ण प्रदेशाला केवळ एका व्यक्तीला चालवू द्यायला पाहिजे?, असा सवालही राहुल यांनी यावेळी उपस्थित केला. वाचा सविस्तर
भाजपकडून ११ उमेदवारांची चौथी यादी जाहीर
यादीमध्ये ११ लोकांचा समावेश आहे. तेलंगणातील ११, उत्तर प्रदेशातील ३ आणि केरळ व पश्चिम बंगालमधील प्रत्येकी एका जागेसाठी घोषणा करण्यात आली आहे. कैरानामधून माजी खासदार हुकुम सिंह यांची मुलगी मृगांका सिंह यांचे तिकीट कापण्यात आले असल्याचे समोर आले आहे. वाचा सविस्तर
मी नरेंद्र मोदी, भाजप आणि आरएसएसला घाबरत नाही - राहुल गांधी
देशातील युवक बेरोजगार आहे. या ५६ इंचाच्या छाती वाल्यांनी युवकाना रोजगार देण्याचे वचन दिले होते. मात्र त्यांनी ५ वर्षापर्यंत फ्लॉप सिनेमा चालवला, असा आरोप काँग्रेस अध्यक्ष राहुल गांधी यांनी केला आहे. लोकसभा निवडणुकांच्या पार्श्वभूमीवर आज ते बिहारच्या दौऱ्यावर आहेत. दरम्यान आपल्या जनभावना रॅलीला संबोधित करताना त्यांनी केंद्रातील भाजप सरकारला फैलावर घेतले. मी नरेंद्र मोदी, भाजप आणि आरएसएसला घाबरत नाही. मी केवळ सत्याचा पक्षधर आहे, असेही राहुल गांधी यावेळी म्हणाले. वाचा सविस्तर
'देशामध्ये होणारे दहशतवादी हल्ले पाकिस्तान प्रणीत असतात की नाही? - भाजपचा काँग्रेसला सवाल
नवी दिल्ली - पुलवामा हल्ल्यावरून काँग्रेस नेते सॅम पित्रोदा यांनी केंद्रातील भाजप सरकारवर प्रश्नांचा मारा केल्यानंतर भाजपने आज पलटवार केला आहे. देशामध्ये होणारे दहशतवादी हल्ले पाकिस्तान प्रणीत असतात की नाही? हे काँग्रेसने स्पष्ट करावे, असा उलट सवालच भाजपने केला आहे. भाजपच्या या प्रश्नानंतर राजकीय वातावरण तापण्याची शक्यता आहे. वाचा सविस्तर..
बिहार एनडीए उमेदवारांची यादी जाहीर; पाटण्यातून केंद्रीय मंत्री रविशंकर प्रसाद लढवणार निवडणूक
शुक्रवारी महाआघाडीने लोकसभा निवडणुकांसाठी जागावाटप केल्यानंतर आज भाजपने बिहार येथे आपले उमेदवार जाहीर केले आहेत. केंद्रीय मंत्री रविशंकर प्रसाद पाटण्यातून निवडणूक लढवणार आहेत तर, गिरीराज सिंह बेगुसराय येथून निवडणूक लढवणार आहेत. वाचा सविस्तर..
कन्हैया कुमार बेगुसराय येथून लढवणार लोकसभा निवडणूक - भाकप
बिहारच्या माहाआघाडीने मागील अनेक दिवसांपासून प्रतिक्षेत असलेली जागावाटपाची यादी शुक्रवारी जाहीर केली. मात्र, या यादीमध्ये भारतीय कम्युनिस्ट पक्षाला (भाकप) एकही जागा देण्यात आली नाही. त्यामुळे विद्यार्थी नेता कन्हैया कुमार महाआघाडीत नाही हे चित्र स्पष्ट झाले आहे. त्यानंतर कन्हैया कुमार बेगुसरायमधून लोकसभा निवडणूक लढवणार, असे म्हटले जात आहे. वाचा सविस्तर...
भाजपमध्ये प्रवेश करण्याची अफवा; काँग्रेस नेते जतीन प्रसादांचे स्पष्टीकरण
काँग्रेसचे प्रमुख नेते आणि पक्षाध्यक्ष राहुल गांधी यांच्या अगदी जवळचे जतीन प्रसाद हे काँग्रेस सोडून भाजपमध्ये प्रवेश करणार अशा बातम्या समोर येत आहेत. शुक्रवारी काँग्रेसने या अफवा असल्याचे पत्रकार परिषदेतून स्पष्ट केले. त्यानंतर स्वतः जतीन प्रसाद यांनी स्पष्टीकरण नोंदवले आहे. वाचा सविस्तर..
भाजपच्या लोकसभा निवडणुकांच्या उमेदवारांची दुसरी यादी जाहीर
शुक्रवारी उशीरा रात्री भाजपने लोकसभा उमेदावरांची दुसरी यादी जाहीर केली आहे. यात आंध्र प्रदेश, आसाम, महाराष्ट्र, ओडिशातील उमेदवारांचा समावेश आहे. भाजपचे प्रवक्ते संबित पात्रा ओडिशातील पुरीतून निवडणूक लढवणार आहेत. वाचा सविस्तर...
लोकसभा निवडणुकांसाठी काँग्रेसची सातवी यादी जाहीर; हे दिग्गज रिंगणात
काँग्रेसने लोकसभा निवडणुकीसाठी ३५ उमेदवारांची सातवी यादी जाहीर केली आहे. यात काँग्रेसने एक मोठा बदल केला आहे. मागील वेळेस उत्तर प्रदेशातील मोरादाबाद येथून निवडणूक लढवणाऱ्या राज बब्बर फतेहपूर सिकरी येथून उमेदवारी देण्यात आली आहे. तर, मोरादाबाद येथून इम्रान प्रजापगर्ही निवडणूक लढवणार आहेत. वाचा सविस्तर..
भाजपचे सर्वच चौकीदार चोर; राहुल गांधींचा भाजपवर टोला
भाजपचे सगळे चौकीदार चोर आहेत, अशा शब्दांत राहुल गांधी यांनी भाजपवर टीका केली आहे. राहुल यांनी टि्वट करत अशी टीका केली आहे. नमो, अरुण जेटली आणि राजनाथ सिंह अशी नावे लिहित त्यापुढे रिकाम्या ओळी लिहून सगळेच चौकीदार चोर आहेत, असे राहुल यांनी टि्वट करत म्हटले आहे. वाचा सविस्तर..
