मुंबई : बॉलिवूड अभिनेता आणि गरिबांचा मसीहा, सोनू सूद अलीकडेच त्याच्या अरेस्ट वारंटमुळे सोशल मीडियावर चर्चेत आला आहे. आता याप्रकरणी सोनूनं आपला मौन सोडला आहे. त्यानं 7 फेब्रुवारी रोजी त्याच्या ऑफिशियल एक्स अकाउंटवर एक पोस्ट शेअर केली आहे, यामध्ये त्यानं त्याच्या अटक वॉरंटच्या बाबी लिहिलं आहे की, 'सोशल मीडिया प्लॅटफॉर्मवर पसरणाऱ्या बातम्या अत्यंत धक्कादायक आहेत, सोप्या भाषेत सांगायचे तर, ज्या तृतीय पक्षाशी आमचा कोणताही संबंध नाही. अशा प्रकरणात न्यायालयानं आम्हाला साक्षीदार म्हणून बोलावलं होतं. आमच्या वकिलांनी प्रतिसाद दिला आहे आणि 10 फेब्रुवारी 2025 रोजी आम्ही एक निवेदन देऊ, जे या प्रकरणात आमचा सहभाग नसल्याचं स्पष्ट करेल. मी ब्रँड अ‍ॅम्बेसेडर नाही आणि माझा कोणत्याही त्याच्याशी संबंधित नाही. हे फक्त माध्यमांचे लक्ष वेधण्यासाठी होत आहे. सेलिब्रिटींना सॉफ्ट टार्गेट बनवणे हे दुःखद आहे. आम्ही या प्रकरणात कठोर कारवाई करू.'
काय प्रकरण आहे? : लुधियाना न्यायालयानं सोनू सूदच्या नावावर समन्स आणि अटक वॉरंट जारी केले आहे. हा खटला लुधियाना येथील वकील राजेश खन्ना यांनी मोहित शुक्ला नावाच्या व्यक्तीविरुद्ध दाखल केलेल्या 10 लाख रुपयांच्या फसवणुकीशी संबंधित आहे. यामध्ये त्यांनी बनावट रिजिका कॉईनमध्ये गुंतवणूक करण्याचे आमिष दाखवल्याचा दावा केला गेला आहे. यानंतर याप्रकरणी सोनू सूदला साक्ष देण्यासाठी न्यायालयात बोलावण्यात आलं होतं, मात्र तो त्या तारखेला न्यायालयात हजर झाला नाही. याप्रकरणी न्यायालयानं महाराष्ट्रातील अंधेरी पोलिसांना पत्र पाठवलं.
We need to clarify that the news circulating on social media platforms is highly sensationalised. To put matters straight, we were summoned as a witness by the Honourable Court in a matter pertaining to a third party to which we have no association or affiliation. Our lawyers…
— sonu sood (@SonuSood) February 7, 2025
काय आहे पत्रात ? : पत्रात अंधेरी पोलिसांना आदेश देण्यात आला आहे की, 'सोनू सूद, रहिवासी, घर क्रमांक 605/606 कासाब्लँक अपार्टमेंट यांना समन्स आणि वॉरंट बजावण्यात आले आहे, परंतु ते हजर राहिला नाही. तुम्हाला सोनू सूदला अटक करून न्यायालयासमोर हजर करण्याचे आदेश देण्यात आले आहेत.' याशिवाय प्रकरणाची पुढील सुनावणी 10 फेब्रुवारी रोजी होणार होणार असल्याचं या पत्रात सांगण्यात आलं आहे.
हेही वाचा :
