कोलकाता ( पश्चिम बंगाल ) : कोट्यवधी रुपयांच्या पश्चिम बंगाल स्कूल सर्व्हिस कमिशन (WBSSC) भरती घोटाळ्यात कलंकित पार्थ चॅटर्जीची जवळची सहकारी अर्पिता मुखर्जी हिने अंमलबजावणी संचालनालयाला (ईडी) माहिती दिली आहे की, तिच्या बेलघरिया येथील निवासस्थानाच्या अनेक डुप्लिकेट चाव्या आहेत. कोलकात्याच्या उत्तरेकडील, बाहेरील भागात हे घर असून, तिच्या अनुपस्थितीत इतर अनेकांनी त्याचा वापर केला. ( west bengal teacher recruitment scam ) ( Arpita Mukherjee WB teacher recruitment scam ) ( ed raid in Arpita Mukherjee house )
पैसे केले होते जप्त : बुधवारी संध्याकाळ ते गुरुवार सकाळपर्यंत, ईडीच्या अधिकाऱ्यांनी मुखर्जी यांच्या अधिकृत मालकीच्या या विशेष निवासस्थानातून २७.९० कोटी रुपये रोख आणि ६ किलो सोने जप्त केले. ईडीच्या सूत्रांनी सांगितले की, ते मुखर्जीच्या कबुलीजबाबाची त्या गृहनिर्माण संकुलातील काळजीवाहू, सुरक्षा कर्मचारी आणि इतर रहिवाशांकडून पडताळण्याचा प्रयत्न करतील की, त्यांनी चावी उघडल्यानंतर फ्लॅटमध्ये प्रवेश करताना त्यांच्याशिवाय इतर कोणालाही पाहिले की नाही.
सीसीटीव्ही फुटेज तपासणार : त्या गृहसंकुलातील सीसीटीव्हीचे फुटेजही तपासले जाणार आहे. ईडीच्या एका अधिकाऱ्याने सांगितले की, "आम्ही या प्रकरणात तिचे विधान पूर्णपणे खोटे ठरवत नाही. कारण फ्लॅटच्या वेगवेगळ्या भागांमध्ये ज्या प्रकारे मोठ्या प्रमाणात रोकड आणि सोने लपवून ठेवण्यात आले होते. ते करणे तिच्यासाठी खूप कठीण होते. दरम्यान, ईडीच्या अधिकार्‍यांनी बनावट बँक खाती ओळखण्याची आणि गोठवण्याची प्रक्रिया सुरू केली आहे, ज्यांचा वापर घोटाळ्यातील रक्कम विविध चॅनेलवर हस्तांतरित करण्यासाठी केला जात होता.
बँक खाती गोठवणार : अशी आठ बँक खाती गोठवण्याची प्रक्रिया यापूर्वीच पूर्ण झाली असून, अनेकांवर काम सुरू असल्याची माहिती आहे. चॅटर्जी यांचे निकटवर्तीय आणि सहकारी यांच्या काही बँक खात्यांचीही छाननी सुरू आहे. "आता मनी ट्रेलच्या दुसऱ्या टप्प्यातील ट्रॅकिंगसाठी प्रक्रिया सुरू होईल, जी या बँक खात्यांमधून पैसे कुठे पाठवले गेले ते चॅनेल ओळखण्यासाठी आहे," असे ईडी अधिकाऱ्याने सांगितले.
तपासाचा दुसरा टप्पा : योगायोगाने, मुखर्जी यांच्या बेलघरिया येथील निवासस्थानातून रोख रक्कम आणि सोने जप्त करणे हा ईडी अधिकार्‍यांच्या खजिन्याच्या शोधाचा दुसरा टप्पा होता. 22 जुलैच्या संध्याकाळपासून सुरू झालेला, जो दुसऱ्या दिवशी सकाळपर्यंत सुरू होता. ईडीने दक्षिण कोलकाता येथील टॉलीगंज येथील अर्पिता मुखर्जीच्या डायमंड सिटी निवासस्थानातून भारतीय आणि विदेशी चलने, सोन्याचे दागिने आणि अनेक ऍपल आयफोन जप्त केले. पार्थ चॅटर्जी आणि अर्पिता मुखर्जी यांना तपास यंत्रणेने पहिल्या फेरीनंतर लगेचच अटक केली.
हेही वाचा : COURT EXTENDS CHATTERJEES CUSTODY : पार्थ चॅटर्जींच्या ईडी कोठडीत वाढ, 3 ऑगस्टपर्यंत कोठडीत मुक्काम
