Lal Bahadur Shastri Jayanti 2022 : भारताचे दुसरे पंतप्रधान लाल बहादूर शास्त्री यांच्या 15 प्रेरणादायी घोषणा

लाल बहादूर शास्त्री यांनी भारतात श्वेतक्रांती आणि हरितक्रांती प्रसारित ( White Revolution and Green Revolution in India )केली. देशात दूध पुरवठा आणि अन्नधान्य उत्पादनात वाढ झाली. रविवारी आपण लाल बहादूर शास्त्री यांची जयंती साजरी करत आहोत. माजी पंतप्रधान लाल बहादूर शास्त्री यांच्या जयंतीनिमित्त त्यांच्या काही प्रेरणादायी उद्गारांवर नजर ( Lal Bahadur Shastri Jayanti 2022 ) टाकूयात.

नवी दिल्ली - लाल बहादूर शास्त्री हे भारताचे दुसरे पंतप्रधान ( Lal Bahadur Shastri second PM of India ) होते. त्यांचा जन्म 2 ऑक्टोबर 1904 रोजी झाला होता. ते कर्तृत्वशाली भारतीय नेत्यांपैकी एक होते आणि भारताच्या स्वातंत्र्यलढ्यातील त्यांच्या योगदानासाठी देखील ओळखले जातात. त्यांची कामे आजही आजच्या पिढीला प्रेरणा देत आहे. त्यांनी भारतातील श्वेतक्रांती आणि हरित क्रांतीचा प्रचार केला आणि 'जय जवान जय किसान' ही घोषणा ( Jai jawan jai kisan ) दिली. ज्यामुळे लाखो लोकांना देशासाठी काहीतरी करण्याची प्रेरणा मिळाली.

लाल बहादूर शास्त्री यांच्या प्रेरणादायी उद्गारांवर नजर टाकूयात -

• जय जवान, जय किसान
• "आपण युद्धात लढतो तसे धैर्याने शांततेसाठी लढले पाहिजे."
• खरी लोकशाही किंवा जनतेचे स्वराज्य असत्य आणि हिंसक मार्गाने कधीच येऊ शकत नाही !
• "आम्ही केवळ आपल्यासाठीच नाही तर जगभरातील लोकांसाठी शांतता आणि शांततापूर्ण विकासावर विश्वास ठेवतो."
• आपल्या सामर्थ्यासाठी आणि स्थिरतेसाठी आपल्या लोकांची एकता वाढवण्याच्या कार्यापेक्षा कोणतेही महत्त्वाचे कार्य नाही.
• स्वातंत्र्य टिकवणे हे एकट्या सैनिकांचे काम नाही. संपूर्ण राष्ट्राचे काम आहे. त्याासाठी राष्ट्र बलवान झाला पाहिजे.
• आर्थिक समस्या आपल्यासाठी सर्वात महत्त्वाच्या आहेत. आपल्या सर्वात मोठ्या शत्रूंशी - गरिबी आणि बेरोजगारी यांच्याशी लढा देणे हे सर्वात महत्त्वाचे आहे.
• विज्ञान आणि वैज्ञानिक कार्यात यश अमर्यादित किंवा मोठ्या संसाधनांच्या तरतुदीद्वारे नाही तर समस्या आणि उद्दिष्टांच्या सुज्ञ आणि काळजीपूर्वक निवडण्यात येते. यात सर्वात महत्त्वाचे म्हणजे, कठोर परिश्रम आणि समर्पण आवश्यक आहे.
• आपल्या देशाची खास गोष्ट म्हणजे आपल्याकडे हिंदू, मुस्लिम, ख्रिश्चन, शीख, पारशी आणि इतर सर्व धर्माचे लोक आहेत. आपल्याकडे मंदिरे आणि मशिदी, गुरुद्वारा आणि चर्च आहेत. पण आम्ही हे सगळे राजकारणात आणत नाही... हा भारत आणि पाकिस्तानमधील फरक आहे.
• "शिस्त आणि एकत्रित कृती हेच राष्ट्रासाठी शक्तीचे खरे स्रोत आहेत."
• ज्याला कोणत्याही प्रकारे अस्पृश्य म्हणता येईल अशी एकही व्यक्ती उरली तर भारताला शरमेने मान खाली घालावी लागेल.
• आज अण्वस्त्रे बनवण्यासाठी अणुऊर्जेचा वापर केला जात आहे, हे सर्वात खेदजनक आहे.
• शासनाची मूळ कल्पना, जशी मी पाहतो, ती म्हणजे समाजाला एकत्र बांधून ठेवणे, जेणेकरून तो विकास करू शकेल आणि विशिष्ट ध्येयांकडे कूच करू शकेल.