മുഖ്യമന്ത്രിയുടെ രാജി ആവശ്യപ്പെട്ട്‌ പ്രതിഷേധം ശക്തമാക്കി പ്രതിപക്ഷം

കോഴിക്കോട്‌: മുഖ്യമന്ത്രി പിണറായി വിജയന്‍ രാജിവെക്കണമെന്ന് ആവശ്യപ്പെട്ട് യുഡിഎഫ് പ്രതിഷേധം. യുഡിഎഫിന്‍റെ നേതൃത്വത്തില്‍ കോഴിക്കോട്‌ മലാപ്പറമ്പില്‍ നടന്ന ഉപവാസ സമരം എം.കെ.രാഘവന്‍ എംപി ഉദ്‌ഘാടനം ചെയ്‌തു. സ്വര്‍ണക്കടത്ത് കേസിലെ പ്രതി സ്വപ്‌ന സുരേഷിന്‍റെ മൊഴിയുടെ അടിസ്ഥാനത്തില്‍ രാജിവെക്കാന്‍ തയ്യാറാകാത്ത മുഖ്യമന്ത്രിക്കെതിരെ പ്രതിഷേധം ശക്തമാക്കുമെന്ന് എം.കെ.രാഘവന്‍ പറഞ്ഞു. എഐസിസി അംഗം ഹരിപ്രിയ, കെപിസിസി എക്സിക്യൂട്ടീവ് മെമ്പർ കെ.ടി.ബാബു തുടങ്ങിയവർ സമരത്തിന് നേതൃത്വം നൽകി.