ഓവുചാലില്‍ വീണ പശുവിന് ഫയര്‍ഫോഴ്‌സ് രക്ഷകരായി

കോഴിക്കോട്: മാവൂരില്‍ ഓവുചാലിൽ വീണ പശുവിനെ മുക്കം ഫയര്‍ ഫോഴ്‌സ് രക്ഷപ്പെടുത്തി. കൂളിമാട് - കളൻത്തോട് റോഡരികിലെ ഒരാള്‍ താഴ്‌ച്ചയുള്ള ഓവുചാലിൽ കുടുങ്ങി കിടക്കുകയായിരുന്നു. രക്ഷപ്പെടുത്താനുള്ള നാട്ടുകാരുടെ ശ്രമം പരാജയപ്പെട്ടതിനെ തുടർന്ന് ഫയർ ഫോഴ്‌സില്‍ വിവരമറിയിച്ചു. മുക്കം ഫയർ സ്റ്റേഷനിലെ അസിസ്റ്റന്‍റ് ഫയർ ഓഫീസർ വിജയൻ നടുത്തൊടിയുടെ നേതൃത്വത്തിലായിരുന്നു ദൗത്യം. ഇരുവശത്തേയും കോൺഗ്രീറ്റ് സ്ലാബുകൾ നീക്കിയ ശേഷം റോപ്പും ജെ സി ബിയും ഉപയോഗിച്ച് പശുവിനെ പുറത്തെടുത്തു.