video: രണ്ടെണ്ണം അടിച്ചാല്‍ പൊന്നു സാറേ ചുറ്റുമുള്ളതൊന്നും കാണൂല്ല... ഈ വീഡിയോ കണ്ടാല്‍ അത് മനസിലാകും

ബംഗളുരു: മദ്യപിച്ചു കഴിഞ്ഞാൽ റോഡ് തീൻമേശയായി തോന്നിയാൽ അതിൽ അത്ഭുതപ്പെടേണ്ട കാര്യമില്ല. ബംഗളൂരു നഗരത്തിലെ തിരക്കേറിയ റോഡിൽ മദ്യപിച്ച ശേഷം ഒരാൾ പ്രഭാത ഭക്ഷണം കഴിക്കുന്ന ദൃശ്യങ്ങൾ വൈറലാവുകയാണ്. ബസവേശ്വര സിറ്റിയിലെ തിരക്കേറിയ തിമ്മയ്യ റോഡിന്‍റെ മധ്യഭാഗത്ത് ഇരുന്നാണ് ഭക്ഷണം കഴിക്കുന്നത്. ആൾക്ക് ചുറ്റും വാഹനങ്ങൾ പോകുന്നുണ്ടെങ്കിലും അതൊന്നും കാര്യമാക്കാതെയാണ് ഭക്ഷണം കഴിക്കുന്നത്. റോഡിൽ നിന്ന് മാറിയിരിക്കാൻ ആവശ്യപ്പെട്ടവരോട് സ്വന്തം കാര്യം ശ്രദ്ധിക്കാൻ പറയുന്നതും വീഡിയോയിൽ കാണാം.