ആറളം വനത്തിൽ ഉരുൾപൊട്ടല്‍; പുഴയിൽ ജലനിരപ്പ് ഉയര്‍ന്നതിനാല്‍ ജാഗ്രത നിര്‍ദേശം

കണ്ണൂർ ആറളം വനത്തിൽ ഉരുൾപൊട്ടല്‍ സംഭവിച്ചതിനെ തുടര്‍ന്ന് പുഴയിൽ ജലനിരപ്പ് ഉയര്‍ന്നു. ഇതേതുടര്‍ന്ന്, ആറളം ഫാമിലെ കക്കുവ- 13 -ാം ബ്ലോക്ക് റോഡിലെ പാലത്തിൽ വെള്ളം കയറി. കക്കുവ, ആറളം, ഇരിട്ടി തുടങ്ങിയ സ്ഥലങ്ങളിലെ പുഴയോരത്തുള്ളവർ ജാഗ്രത പാലിക്കണമെന്ന് അധികൃതര്‍ നിർദേശം നല്‍കി. പ്രദേശത്ത് നിലവില്‍ കനത്ത മഴ തുടരുകയാണ്.