വൈറലായി ഡോക്‌ടറുടെ നൃത്തം ; ചുവടുകൾ പഠിക്കാനുള്ള ആഗ്രഹം പ്രകടിപ്പിച്ച് ഹൃത്വിക്ക് റോഷന്‍

ഡിസപുർ: കൊവിഡ് പകർച്ചവ്യാധിക്കിടയിലും ഒരു വീഡിയോ സോഷ്യൽ മീഡിയയിൽ വൈറലാവുകയാണ്. അസമിൽ നിന്നുള്ള ഡോ.അരുപ് സേനാപതിയുടെ പ്രകടനമാണ് സോഷ്യൽ മീഡിയയിൽ വൈറലായ വീഡിയോ. ഹൃത്വിക്ക് റോഷന്‍റെ ഗുംഗ്രൂ എന്ന ഗാനത്തിന് ചുവടുവെക്കുകയാണ് ഈ ഡോക്‌ടർ. സിൽചാർ മെഡിക്കൽ കോളേജിലെ ഇഎൻ‌ടി സ്‌പെഷ്യലിസ്റ്റ് ഡോ. സേനാപതിയുടെ സഹപ്രവർത്തകനായ ഡോ. സെയ്‌ദ് ഫൈജൻ അഹമ്മദാണ് ട്വിറ്ററിൽ വീഡിയോ പങ്കുവെച്ചത്. ഡോ. സേനപതിയുടെ നൃത്ത ചുവടുകൾ പഠിക്കാനുള്ള ആഗ്രഹം പ്രകടിപ്പിച്ച് ഹൃത്വിക്ക് റോഷന്‍ ട്വീറ്റ് ചെയ്തു.