ന്യൂയോര്‍ക്ക്: യുക്രൈനില്‍ റഷ്യന്‍ സൈനിക നടപടികളാരംഭിച്ചതിന് ശേഷം ആശുപത്രികള്‍ക്കും ആരോഗ്യകേന്ദ്രങ്ങള്‍ക്കും നേരെ ഇതുവരെ 72 ആക്രമണങ്ങള്‍ നടന്നതായി യു.എൻ. ആരോഗ്യപ്രവര്‍ത്തകരും രോഗികളുമായ 71 പേര്‍ സംഘര്‍ഷത്തില്‍ കൊല്ലപ്പെട്ടുവെന്ന് യു.എൻ സെക്രട്ടറി ജനറല്‍ അന്‍റണിയോ ഗുട്ടെറസ് അറിയിച്ചു.
ജനങ്ങള്‍ക്ക് ചികിത്സ നേടാനുള്ള അവസരം നിഷേധിക്കരുതെന്ന് അദ്ദേഹം ഓര്‍മിപ്പിച്ചു. ആശുപത്രികളിലും ജനവാസമേഖലകളിലും സ്ഫോടക വസ്തുക്കള്‍ നിക്ഷേപിക്കുന്നത് റഷ്യ തുടരുകയാണെന്ന് യുക്രൈൻ ആവര്‍ത്തിച്ചു. റഷ്യൻ സൈനികരെ നേരിടാൻ ആയുധധാരികളായ സാധാരണ ജനങ്ങളെ അണിനിരത്തുമെന്നും യുക്രൈൻ മുന്നറിയിപ്പ് നല്‍കി.
also read: യുക്രൈനില്‍ അന്താരാഷ്‌ട്ര സഹകരണത്തിന് ആഹ്വാനം ചെയ്‌ത് യുഎന്‍
